الشاعر : عوض الشبعان

شاعر جزل مبتعد عن الإعلام ولكن شعره أثبت وجوده



قبر ابوي

[POEM="font="Arial,5,darkred,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]عسى مزنتن هلة هماليلها ياسعود = مطرها حقوق وصاحب الديم وداني
تحدر من الصمان في حكمة المعبود = الى ديرتن يسكن بها قرة اعياني
عساها على الدمام يكثر مطرها زود= على قبر من هو راح في داره الثاني
على قبر ابوي اللي حماني عن المنقود= على الدين وعلوم الرياجيل رباني
هو العام دور اليوم من بينا موجود= واليوم شف ذكره مع فلان وفلاني
اخذته وقفتبه منايا الليال السود = اخذعزوتي مني زماني وخلاني
ولاذاق لوعت غيبته كود انا والذود = نياقه تخالج غيض جلن وحيراني
ولكن عزاي ان البشر عمرها محدود= ولاجت من الوالي رضا العبد الانساني [/POEM]




إسرائيل

[POEM="font="Arial,5,firebrick,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]ألا ياوجودي وجد من طاح باسرائيل = صويبٍ يشيل الجرح والجيش يرمونه
بعد ماوقع عيت عظامه تشيله شيل = وربعه بغوه وحايل الرمي من دونه
وقعد في مطيحه ينزف الجرح تالي الليل = ومن مره من الناس (عيو) يشيلونه
وماله جدا إلا يرفع الصوت بالتهليل = وينخا العرب يمكن ليا صاح يوحونه
وبعد يوم مات ونكلوبه هل التضليل = ولااحدٍ سمع والقدس للكفر مرهونه
على اللي غلاها سم حالي وهد الحيل= عنودٍ محبتها ورا القلب مدفونه
تبادلني الإحساس والحب والتدليل = وهي جوهره عندي عن الناس مصيونه
وبالزين ماجا مثلها مع بنات الجيل= ولاقبلها قالوا بالامثال مزيونه
وترا زينها فطره مهي خدعة التجميل= ولاحطة المكياج يلي تحطونه
وحبي لها خالي من الشك والتمثيل = مهو حب تالي الوقت هذا يطرونه
وعسى اللي حمى بيته من الشرك واهل الفيل= يجيبه نصيبي قبل لاصير مجنونه[/POEM]


مشكور سعيك


[POEM="font="Arial,5,darkred,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]مشكور سعيك واحسن الله عزايه = فات العزا توك جيني تعزين
مات الغرام اللي مكانه حشايه = قاموا بقتل الحب وانتي تراعين
طالت يدين الغدر قمة هوايه = وانهد حلم سنين في ظرف يومين
ضاع الأمل وش عاد باقي ورايه = لا للرجوع ان كان ودك تردين
خوذي معك باقي شقاي وعنايه = واحكي معاناتي لكل المحبين
اعلنتها هذي تراها النهايه = ماعاد احن لمنظر الدمع بالعين[/POEM]


هلا فيك يامن عادلي بعد طول غياب


[POEM="font="Arial,5,darkred,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]هلا فيك يامن عادلي بعد طول غياب = تذكر عهودٍ ماضية كنت ناسيها
طلبني بنبرة صوته الهادي الجذاب = وحرك بروح الهايم اشواق مخفيها
تراني مثل ماتعرف العاشق المنصاب = جروحك بوسط القلب مازلت اداويها
حبيبك بعد غيبتك ماحط ناس احباب = ابد انت بس اول حياتي وتاليها
حياتي بعد مارحت ترجمتها بكتاب = تعال اقر ماخطت يديني لغاليها
ألا يابعد من لي (ب.....) من الآصحاب = تموت المشاعر وانت جيتك تحييها
هلا فيك طبت وكل جرحن بقلبي طاب = بيدك القضيه حلها وانت قاضيها[/POEM]


قالوا نبي رايك بحب العذارا


[POEM="font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]قالوا نبي رايك بحب العذارا = شاعر وفي قلبك لعب حبهن دور
قلت اخلفن عني تجاه المسارا= مافيه داعي خلوا الحال مستور
إليا بغنك جاهرن بك جهارا = تجيك في صورة ملاكٍ من الحور
وليا خذن مده صدربك قرارا = قالن تفضل روح من غير مشكور
بفعالهن والله لذقنا المرارا = الكيد فيهن طبع بالكتب مذكور
الغدر واضح مثل شمس النهارا= والصدق في شرع البني شيءمحظور
الله بلانا ومامن امره فرارا = والله يصبرنا على الظلم والجور[/POEM]


الحب كلمة


[POEM="font="Arial,5,darkred,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]الحب كلمة ومن حرفين ننطقها = كلمة تهيض المشاعر عند معناها
بين الحنايا بوسط الدم يدفقها = العرق دربٍ لها والقلب ملفاها
وياللي لها صورةٍ وحده معلقها= في وسط جدران قلبي ماحدٍ جاها
لاتسمعين الكلام الناس خالقها= ربي على الصدق بس بليس غواها
بيني وبينك عهود الحب وثقها = والله لوانتي نسيتي ماتناساها
اذني عن اللي يقولون البشر صقها= من جابها الصبح تال الليل وداها
وان قالوا انته تبيها قلت عاشقها= احب حتى التراب اللي توطاها[/POEM]


ابشرك مات الحنان بخفوقي


[POEM="font="Arial,5,darkred,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]ابشرك مات الحنان بخفوقي = ماعدت مثل أول لك احن واشتاق
خلاص عطيني بقايا حقوقي = القلب عندك والمشاعر والأشواق
العام حبك ساريٍ في عروقي = شلال حبك بين الأضلاع دفاق
ياما عطيتك للأسف كل شوقي = وياماكتبتك شعر من فوق الأوراق
واليوم اخايل غيمة الحب فوقي = مامن مطر مغير رعدن وبراق
لاشك انا بيني وبينك فروقي = مايستوي بالحب مخلص وسراق
وماني على شروى جنابك شفوقي = من باعني بعته بهجران وفراق
ولواعرف ان القلب يمك يتوقي = شلته من اقصى الجوف واحرقته احراق[/POEM]



تحيتي للجميع