آسف وخل السنيـن تـدوّر رضـاك
تعبـت واللـي ( قدرتـه ) ماقدرتـه
لا عاد تشـره علـى قلـب ٍ تمنـاك
ماهو هـذاك الفـواد اللـي خبرتـه
الجرح مازال ينـزف مـن خطايـاك
وإحساسي العذب .. من صوبك نكرته
مجبور واللي سواتي كيـف ينسـاك
قلب ٍ عطاك الوفـا خنـت وغدرتـه
البارحه مـرّك العـذر .. وتعـداك
واستسلـم العـذر للقلـب وعذرتـه
انت آخر إحساس مات بيوم فرقـاك
كنت ألمسه حب ... لكنـك كسرتـه
ممداك ترجـع علـي تعيـد ذكـراك
يكفيني اللي مـن احلامـي خسرتـه
العـام غالـي وتعجبنـي مـزايـاك
واليوم منت الصديـق اللـي ذخرتـه
كانت زوايا الخفوق أحلـى زوايـاك
والليل .. من قبل اشوفـك ماسهرتـه
وشلـون تنسـى مداهيلـك ومربـاك
معقوله الحب ماعمرك .. شعرتـه ؟
أثر الغلا مـات قبـل يعيـش ويـاك
وتوّك مع الوقت ... حسيت وذكرتـه
لو تربتـط فرحتـي بأفـراح دنيـاك
ماخفت يوم الوداع ... ولا أنتظرتـه
مالوم أنا العـذر يـوم أنـه تعـداك
اليوم من الصديق اللـي .. ذخرتـه
الله الله الله الله
محمد البطحي
لله درّك لله درّك
أبداااااااااع ومتااااااااااااع
مروري للاستمتاع بالقصيد الراااااقي
أخوك
..
|