الهمّ له في داخـل الصـدر ميعـاد
والجرح من سبعة شهـور متجـدد
والقلب ماحولـه تباشيـر واعيـاد
والحزن في وسط الضلـوع متحـدد
ياليـل ياليـل التعاسـه والاسعـاد
كيف ابتسـم وانـا حزيـن متـردد
وين انت ياعيد ٍ مضى كيف ينعـاد
يوم الغـلاء بيـن الثنيـن متبـدد
يوم الرجا مع سيّد البيـض ينقـاد
قبـل الغضـي بالابتعـاد يتـشـدد
حاولت اهدّي من عنـاده ولا فـاد
سَدد فواتيـر الغـلاء قبـل اسـدِد
العام شوقه لي على طـول يزتـاد
واليـوم بالفرقـى الاكيـده يهـدد
مايدري انه بالغلاء واصـل المـاد
انـا اتـودد لـه وهـو مـا تـودد
اعلنت له حبي على روس الاشهـاد
ومددت لـه حبـل الغـرام وتمـدد
وجفيت من حولي .. جماعات وافراد
وشريت حبـه بـس عنـي تصـدد
صار إيتغلى .. واكثر فعوله عنـاد
واحترت فيه .. وجرح قلبـي تجـدد

عبدالعزيز
اجبرتني على الرد حياك الله بين اخوانك
يعلم الله اني جيت استفيد
لاتحرمنا جديدك ياخوي
تحياتي لك وتقديري


محمد بن مريبد