قصيدة في العواني / خوالي،
خصوصاً للخال الوالد/ مطلق بن غيلان الغبيوي
شعور بسيط لرجال كِبار،
بعد بعد في المسافات، وتظل القلوب متقاربة أيها الأحبة.
أتمنى أن تعبّر عن مابداخل الروح،


[POEM="font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]عسى البارق اللي في مقاديمه الهتان =يسوقه هواه مْن آخره لـَ مقاديمه
سَحَابه لياحوّل على ميت القيعان= تفجّر ضلوع الأرض راعد مرازيمه
تخيله عيون الساهر الحاير الظميان=ورى ليل ٍ أطول من سوالف مناديمه
يحوّل على ديرة خوالي ذوي غيلان=هل الخير والتقدير والعز والقيمة
إلين الشعيب اللي وراهم من الوَّدان=يفجّه ربيع ٍ يبهج العين ترنيمه
تشوف البختري فيه وتشاهد الحوذان=بجاله مثْل وقفة رجال ٍ لها شيمة!
تعشي به النّوق وتدوّج به الحيران=يفل الحجاج وتشبع من أطرفه "ريمه"*
تسولف به أهل النوق والحضر والبدوان=ثلاثين عام ٍ من جماله وتنظيمه
سلامي سلامي ياهل الفزعة الشجعان=وأثنّي كلامي مع تحية وتسليمة
أنشهد مايْكسر خاطر الحاير الولهان=ليا فارق أهله غير دمع ٍ وصل تيمه
مشيت امس وضلوعي توّقد بها النّيران= وهم ٍٍ تحدّى القلب وانـّهل تعتيمه
وأنا أعَرف صدقاني ولا ادراي العدوان= ولااداني اللي فيه رجّه وتنسيمه!
أطبّق مثل وأخسر وأنا دايم ٍ ربحان=و ترى كل دقة في زمنّا بتعليمه
على الحق ماأسكت مثل مايسكت الشيطان= أرد النقا ..وأدري عليّه ملازيمه!
أقدّر رجال الطيب من مبطي وللآن= ولااداني الكذّاب كذبه .وتنجيمه
ولاقلت غير الصدق وأنتم من الصدقان= بشعر ٍ كبير ٍ يبهج النَّاس تصميمه
مَاهْي هزله بيوته جزال ٍ كبار : سمان= تساقي توال الليل ضيقة وتكتيمه
ترى مايخون الود والعيشة الإنسان= ماهو إنسان، أبد رجل ٍ يخون بنواديمه
ولابوناصر التقدير خالي رفيع الشان=وهو يضحك حجاجه لجيّة معازيمه.[/POEM].
.
*إحدى نياق خالي المذكورة.