هذي طبوعي .. و الجنوبي جنوبـي
مقدر اغيّـر فـي تفاصيـل حالـي
و شلون بلبس ثوب ما هو بثوبـي ؟!
اذكى اجابـه مـا تجـاوب سؤالـي
صعبه مطاليبي .. و صعبه دروبـي
اتعب .. و لكن مهتني فـي حلالـي
فـان شفت في وجهي ملامح شحوبي
فـاشره على حظّي و سود الليالـي
لكن عزاي انّـك لا لديـت صوبـي
قلت : اغلى شي ٍ في حياتي بقى لي
لانّك ملاذي ( لا عزمـت بهروبـي
من واقعي و اعيش جـو ٍ خيالـي )
و بحالي ادرى .. و الملا ما درو بي
فدوتكْ كل الخلـق يـا راس مالـي
يا علّ شمسك مـا بعدهـا غروبـي
و يا علّني ما اذوق حزنك يا غالـي
و اطلب من الرحمن يغفـر ذنوبـي
و يعوضني بالخير عمّا مضـى لـي
و اطلبكْ طلبه .. خلّ منّـك عيوبـي
يا قّلها .. لو قستهـا مـع ْ خصالـي
و هذي طبوعي .. و الجنوبي جنوبي
بس آتمنى وسـع صـدر الشمالـي
الله الله الله الله
خالد الدوسري
صح السااااانك مدد
ابداع ومتاااع
سلمت ودمت
أخوك
.,.
|