مبارك آل خليفه

وبعديـــــــــــــن ؟؟؟؟؟


فريق متهالك وماعنده حيله ومشتت ومافيه عقل مدبر في وسط الملعب .. وسام رزق وطلال البلوشي لاعبي الارتكاز ثقال و متنرفزين ونقلهم للكوره دائما عرضي وتغطيتهم دفاعيا ً متقدمه وهذا سبب رئيسي في تهالك الفريق

كوني وعبدي ومشعل وسعد في الدفاع مركزين صح لكن بين فتره وفتره يصير فيه تشتيت ذهني يدخل معه الفيتناميين ويوصلون المرمى لكن محمد صقر اللي جاب العيد كان مركز ايضا لكن زلقت حبة الفيتنامي !!

ماجد محمد جناح يمين وعادل لامي جناح يسار هذا على الورق .. لكن لا هذا جناح يمين ولا هذا جناح يسار يستلمون من الطرف ويدخلون في العمق وكل ما دخلوا للعمق وجدوا من 7 الى 8 فيتناميين الحل الوحيد كان اللعب على الاطراف .. بديهيا ً في كورة القدم تلقى دفاع قوي يا شوووت من بعيد يا العب على الاطراف وشغّل العرضيات ..

وليد جاسم ضااااااااااايع .. لاهو مهاجم ولا هو صانع العاب ولا هو لا عب ارتكاز ولاهو جناح يمين ولا هو جناح يسار مدري وش كان دوره في المباراه كان مطلوب منه يشوووت ويستغل قوة قدمه لكن شات شوتين ما يشوتها عبود

المدرب اخيرا ً بعد طول عناء فكّر يبدّل وبدّل في الدقيقه 70 ودخل سيّد بشير وهذا على الاقل خفف الثقل على سوريا اللي بدا يطلع على الطرف الايمن ويحاول وينقل عرضيات ويستلم ولقى مجال يتحرك

وبدّل عادل لامي وادخل اللاعب اللي يلعب اول مباراه دوليّه مع منتخب قطر الاول علي حسن بدا يدخل المنطقه ويزيد العدد وصاروا ثلاثه وفعلا ً دخل وتسبب بالهدف الاول

وبعد الهدف بدّل ماجد محمد و ادخل مجدي صديق اللي بدا ينقل الكوره للامام وفعلا ً جات فرصتين وحده لعلي في العارضه ووحده لسيّد بالراس بس بعيده جدا ً وحاولوا وصار فيه حركه بكره وبدون كره وتنقل لعيبه على الاطراف وفي العمق وهذا اللي كان مطلوب لكن تأخروا فيه وتأخروا وااااااااااااجد


عموما ً نقطه ثانيه يمكن تنفع قدام الامارات اللي بيلعب بكره مع اليابان والله يستر !!


8 مباريات عربيّه بدون فوز .. ومصخوها فيتنام وتايلند الصراحه والله يستر من اندونيسيا والامل في الله الاول ثم السعوديين امام الاندونيسيين حتى يوقفوا الكوارث العربيه في جنوب شرق آسيا ..

@mubarak_abdulla

Mubarak.alkhalifa@hotmail.com