السلام عليكم ،

مشاركه تعبر عن نفسها :-


[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]قمّة أصحاب السعاده والفخامه=لو تقوم بحيلها ماهيب قمّه
البداية بين ضحكه وإبتسامه = والنهايه شملهم جاب المطمّه!
لو تدير أعمالنا فاتن حمامه= يمكن المهموم منّا زال همّه
يا ولاة الأمر ورجال الزعامه=السحابه في سماكم مدلهمّه
لا تبيعون الشجاعه بالرخامه=بعد ما ولاّكم الله أمر الأمّه
جارنا اللي فوقنا يصلب عضامه=أن سكتنا حطنا من تحت كمّه
أصدر التعميم لبـّاس العمامه=وقام يفتل شاربه ويفور دمّه
رافضي ٍ يرفض العيش بكرامه=ملتوي ينشر ما بين الخلق سمّه
من ورا حد البحر يرسل كلامه=و يتوعّد بالقرارت المهمّه
يوم صرّح صبّ حربه في سلامه=وأستدار بشوشته ينفض معمّه
أنتفخ خشمه بعد خيّم عرامه=وشايل البارود عيّا لا يشمّه
شاه .. وإلاّ ذيب ملعون ٍ رسامه=السلاله خاربه .. والنسل خمّه
عقب دار الوضع الأول عن نظامه=صاح أخو شيراز .. فوق أخوان شمّه
قام يلعب فـ الخريطه لعب دامه=ينقز المجنون والطارف يخمّه
ما بقا إلاّ يحلم بضمّ المنامه =والحساء والساحل الشرقي يضمّه
تكرم البحرين عن غاية مرامه=ساسها يمّ العرب ماهوب يمّه
البعير الفارسي زامي سنامه=يا عساه بقمعة ٍ عنـّا تطمّه
والمذلّه مالها غير الهلامه=دوّروا له خطة ٍ صمّا تصمّه
لين يآكلها ويصحى من منامه=ويشكي أحواله على خاله وعمّه ![/POEM]


وسلمتوا ،

>> هات و دوك ! <<