[POEM="font="Simplified Arabic,4,crimson,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]من منطلق غيبتك واحساسي وعوقي=والضيقه اللي تضايقنـي واضايقهـا

والعبره الي يغص ابها جفن موقـي=لوجات في محجرك ماهوب طايقها

والبسمه اللي على خبرك من الذوقي=يا دوب الحـق عليهـا واتلاحقهـا

عليك وجه الغرام ووجه طاروقـي=ماكل كلمـه تقـال انـك تصدقهـا

ترى البشر تنعمي بالحكي وتفوقـي=والـروس ماتنحنـي الا لخالقـهـا

شوفه..شحوبي عليك وتل معلوقـي=حقايـقٍ بينـت بـاقـي حقايقـهـا

ولو كل لحظه تعبر عن مدى شوقي=عقارب الساعـه بترهـق دقايقهـا

على وعد غيمتك لو لاحت بروقـي=مالت غصونٍ قوي الشوق يطرقهـا

والبعد لو طال ضيع جملة حقوقـي=واشعل فتايل غلاك اليـن يحرقهـا

مادام مشلح غـلا ترنيمتـك فوقـي=غرب مطايا صغر سنـك وشرقهـا

الصدر ممطور والزملوق زملوقـي=وزرايره لو شكـت مانيـب بانقهـا

والعب بقلبي عبث ثم بعثر عروقـي=وتلـذذ ابهـا وجمعهـا وفرقـهـا

وارتع بلا ضيق والمطرود ملحوقي=ومتع خطاويك في الاضلاع واطلقها

بس اسمع اخر وصات العقل ياذوقي=كـانـك تذوقتـهـا؟ ولا تذوقـهـا

لاعاد تحدا الهوا والقـد ممشوقـي=ثم تنثني قامتـك وايميـل مطرقهـا

ثم تبتلش لك بجرم وذنب مفهوقـي=مسارحه غرتـك وعيـون عاشقهـا

اجمل مافي السالفه انك على ذوقـي=وتطول معـك السوالـف واتذوقهـا [/POEM]


وأجمل ما في الشعر هذا الفن الجميل ان مثلك وشرواك يكتبونه

ابو طلال .. مبدع بمعنى الإبداع النقي وربي ،


..