ألا يا عذابـي كـل مـا قْبـل ظـلام الليـل
تجينـي همـوم تشّغـل الفـكـر وتـفـرّه
اشوف الجَدي عندي رحل في محـل اسهيـل
واشوف القمـر عنـدي كُبـر حَبـة الـذرّه
واشوف الدموع اتصب وتجري مجاري السيل
واشوف العـذاب يمـر نفسـي ميـة مـرّه
واشوف الحياة اتسيـر بالكـذب والتضليـل
واشوف البشـر فـي دورة الوقـت مغتـرّه
واشوف الشجاع مهـان وان الكريـم بخيـل
واشـوف الريـادي كنهـا سـودة الـحـرّه
وهـاذي الحقيقـة شفتهـا ماتبـي تعديـل
مثل ما ذكـر راحـت كمـا كسـرة الجـرّه
نطّـول كـلام ٍغيـر مايقـبـل التطـويـل
ولكـن رضينابـه علـى خيـره و شــرّه
جميـل الجمـال مجّمـل مايـبـي تجمـيـل
غطس في غميق الجـم حتـى لقـاء الـدُرّه
عذابه عذابه من هـل القـال وأهـل القيـل
أوادم علـى نـقـل الوشـايـات مسـتـرّه
تعكـس الحقيقـة والحقيقـة كمـا القنديـل
وطعـم الحقيقـة مُـرْ كنـه طـعـم مُــرّه
تعكـر مـزاج اللـي مزاجـه حـداه الويـل
بعد مامشى فـي الكـون بحـره مـع بـرّه
رحل وارتحل مـن قبـل مايعلـن الترحيـل
بعـد ماحصـل شـي مـن النـاس ماسـرّه
نهايـة طريقـي راسمـه مايبـي تبـديـل
لكـن الزمـان يَحْـوُل دونــه ويجـتـرّه
ألا ياجزيـل الـمـدّ لا يـاقـوي الحـيـل
تعيـن الـذي كبـده مـن الوقـت محتـرّه
علّي الحِمِل مـا قـواه لامـا بغيـت اشيـل
وعلّـي العزيـز مشـرّه مشـرّه مـشـرّه
الله الله .
ياسلام عليك يالقحطاني
صح لسانك مليون ولا يكفون ..
ولاهنت لين ترضي .
قصيده طيبه وجزله من جزل عزالله .
وافيه من وافي ..
تحيتي .. اخوك **
|