|
والمجلس اللي فيه نمة وغيبه ,, ماجمله راعيه لو بخره طيب
[POEM="font="Simplified Arabic,4,black,normal,normal" bkcolor="transparent" bkimage="" border="none,5,gray" type=2 line=0 align=center use=ex num="0,black""]البارحه مبداي راس الجذيبه = من حرتي عديت روس المراقيب
احرص على الطاله ولو هي تعيبه = طبع ورثته من زبون الاصاعيب
من راس عود له مع الناس هيبه = فخري وعزي عزوتي منقع الطيب
ياكم طليب خلصه من طليبه = بالفعل يشهد له قرايب واجانيب
ولي الفخر لاقلت ربعي عتيبه = اهل الشدايد مكثرين التراحيب
لكن جروحي فالحشا مستصيبه = عندي دواها ماتفيد الاطابيب
عديت فالنايف وحالي صعيبه = هب البراد وكن جوفي لواهيب
اقنب كما ذيب تزايد قنيبه = من حرته خلا ضلوعه محاطيب
جاوبت انا السرحان ماجاب اجيبه = لج الرجوم ولجلجن المحاديب
ابديت ماكنيت من دون ريبه = ياذيب جنب واترك الرجم ياذيب
ما انته بذيب الرجم لاجاك شيبه = اقول حول حال من دونه الشيب
قبلك عصير اليوم قبل المغيبه = طيرت من عاليه عكف المخاليب
خله لمصعوك تزايد لهيبه = يبى يفرج ضيقته بالهناديب
انا زبون الجرح وانا طبيبيه = ماني بمن يشكي على كل رعبيب
صادفت بالدنيا مواقف مريبه = وانا صغير ولا خمط راسي الشيب
شفت الهوايل والعبر والمصيبه = ناس تبدل سلمها والمواجيب
راع المصالح يا عساه الذهيبه = ويالله عسى درب يوديه مايجيب
وليا انتهى الازم تناسى صحيبه = قلب عليه ولا لقى منه ترحيب
ناس تعرف العيب لكن تجيبه = ماهو جهل الا عَمد داسو العيب
والمجلس اللي فيه نمة وغيبه = ماجمله راعيه لو بخره طيب
لاصار مايشري من الطيب طيبه =مبني على النمه ولم العذاريب
مالي وماله والعرب وش تبي به = اشوم عن داره وغيره معازيب
من شاف عيب الناس ماشاف عيبه = واول عيوبه يوم شذب العراقيب
هذاك ماينفع وهذا ياطيبه = واخذوا على طيب الرياجيل ترتيب
قال المثل يا اهل العقول اللبيبه = حكمه وسطرها بوسط المكاتيب
الكلمه اللي فالحشا مستريبه = عليك تبديها وما جابت تجيب
واقولها فالوجه ماهيب غيبه = ليتك تخل الطيب ياموزع الطيب
[/POEM]
اخوكم عبدالله العصيمي
عندما يفقد الأمل
تبدأ رحلة البحث عن المستحيل
يامشالله يامشالله يامشالله = نص شعب المملكه يكتب قصايد
ذاك يسرد قال الاخر : الله الله = اشهد انك ماتجيب الا الفرايد
والدوادي سامجه شكواي لله = والقريحه كل يوم الها جدايد
.
|