[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ماقبل هذا محال ولابعد هذا محال=القلوب تعيش..لكن فاقده نبض القلوب
ماهي بفكرة قصيده لا ولا شطحة خيال=واقع شفته بعيني مالبس للوهم ثوب
الملامح قالت اللي كنت اخاف انه يقال=التزمت الصمت لكن سولف الوجه الشحوب
لانشدوني عنك اقول ان مالك بقلبي مجال=والبلا لاصدقوني قالت عيوني كذوب
كل ما مريت بالي قمت اردد هالسؤال=ليه تهديلي غيابك؟ هو رضا ولا مغصوب
وما الاقي لي اجابه وارجع اسأل كيف حال=قلبي اللي في يدينك هو متى ناوي يتوب؟!
لا لمحت الشمس تشرق قلت أخرها زوال=اختنق واصد والمح قبرها عند الغروب
وكل ماضاقت جنوب وسقت رجلي للشمال=اكتشفت ان الشمال الوجه الاخر للجنوب
كلها ضاقت بوجهي اترك البعد وتعال=ما ابي منك الغلا بس دلني وين الدروب!!
كم وقفت بوجه هالدنيا مثل شمخ الجبال=والمصيبه قدم عينك لانويت اوقف أذوب
ماعلى دمي حسافه حلله يابن الحلال=بس لاتنسى انك اللي داخل عروقي تجوب
اعترفلك من فقدتك ماني بقد الليال=السهر هد العيون وصرت بالحزن مغلوب
بس اردد مات في محراب عينيك ابتهال=وبعدها لامن سكت اوحي تناهيد الهبوب
كيف ابنسى؟! وانت طيفك صال فالدنيا وجال=من هناك..ومن هناك اخلصك من كل صوب
ااه عن غربة جروحي عاجز اشد الرحال=رد لي ديرة عيونك دام هالعمر محسوب
العن سنين الجفا ولا العن سنين الوصال=ارتكب ذنب الوفا ولا استعيذ من الذنوب!!
ولا تدري لا تجاوب ينحرق حزن السؤال=دامها قلوب تعيش وفاقده نبض القلوب[/POEM]