عواد العلي

الوقت هذا مخيف .. و مشقي ٍ ناسه =وانا اشهد اني .. حفظت من الشقا درسي

و الناس .. وان كانت لذا الوقت درّاسه = اجناسها فالصبر .. ما هي مثل جنسي

و الرجل .. يبقى صبور ورافع ٍ راسه = يرسي .. مثل ما الجبال الشامخه ترسي
و البدع .. مثل الهوا لا هب نسناسه = ان جا في وقت المسا .. ترتاح به نفسي

يميل غصن الشعر .. ليدين غرّاسه = واقطف ورود الفرايد .. من ثمر غرسي

والله لولا شعور القلب .. واحساسه = ما كان حبري .. سكبته في صدر طرسي

والغالي اللي فـ صدري .. شعّ نبراسه = اصدق شعور الغلا له .. ترجمه همسي

قصايدي في وصوفه .. تحبس انفاسه = فدوته شعري و حاضر عمري وأمسي

اليا حضر .. غاب حزني وانجلى باسه = و لا غاب .. تحضر هموم ٍ بعضها منسي

دام المحبه طريقه .. و الوفا ساسه = ما احسب لدورات وقتي لو تجي عكسي

و الضيق .. ماهوب اعدم اليوم مجلاسه = الضيق والله .. لا قال : ( القابله عرسي )

ابن زايد

صح لسانك ولاهنت