محمد السواط

[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الله من قلبٍ عليه الزمن جار=ما شاف من لينه ولا شاف يسره
كنه معلق به مسامير نجار=وأصغر صواديفه كما ضرب الابره
له عام بين النار والداب والغار=يا قوّ نكباته ويا طول صبره
طلع يمين وخالفه حظه يسار=شبر لـ/ حظه مير ما فاد شبره
يا مولعين النار حطوا على النار=صفيحةٍ على مقاسه وكبره
نويت لـ أخذبه على النار معبار=لو أنها ندره ويا شر ندره
إموقفه من دونه طوال وقصار=وحيا وتنهيده وعشره ونبره
وش صار لاتنشد يا ابوزيد وش صار=نقالت العثره مثل تكس الاجره
تشيل مرتبته معا كل مشوار=في كل يوم تشيل وتحط خبره
وأنا آدمي قطفت لي ذنب وأعذار=والله غفر لآدم على شان عذره
واللي وقف من عام في حلقي زرار=والله لا أمتّخ به ولا أحط وثره
أن كان ما بطّل معي لعب الادوار=وأخذ على نفسه وكسره وجبره
ماني بمتعود على كشف الاسرار=جف القلم والآدمي عاش عمره
الحكي ما عيّب طويلين الاشبار=لكني أحس بندامه وحسره
لو أني أدري عن محابيل الاقدار=ماشفت لي عند ارذل الناس عثره [/POEM]

الله الله
الله الله
الله الله

يابو منصور ... وقفلة القصيدة تسوى ..قصيدة كاملة ..
صح لسانك .. صح لسانك .. صح لسانك ..
.
.
وتقبل التقدير .. ياسعادة المدير ..

,