منتديات المرقاب الأدبية - عرض مشاركة واحدة

30-09-2007, 12:06 AM

دلّتـك فـوق نيـران العـواذل تفـوح
كان تحتاج هيلـك ..! وانـت هيّلتهـا
واشربوهـا وبـرّاق السعـاده يـلـوح
وانفجـر داخلـي قـدرك وحثّلتـهـا
ليت قلب الاوادم .؟ ينغسـل فالسبـوح
وتطهـر قلـوب نـاسٍ مـا تقبّلتـهـا
طالبك سكر الموضوع فالصـدر بـوح
من صـدوف الليالـي وانـت كملتهـا
لا تزيد الكلام .. ولا تزيـد الجـروح
هو بقـا كلمـةٍ تجـرح ولا قلتهـا .؟
قص حبل المحبّه من ضميري .. وروح
حقك الصـوره وصورتـك .؟ قبّلتهـا
والعذر منك وأيام الطـرب والمـزوح
تاب قلبي مـن علـوم الهـوى والتهـا

الله واكبر عليييييييييك

ابومناحي

مذهل ومبدع الى ابعد الحدود

صح الله لسانك كثر اعجابي في ذى القصيده..

سلامي واحترامي لك