محمد السواط

[frame="7 60"][poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

لاضيّق الوقت صدري بين ليـلٍ ويـوم = وزادت عليّ الهموم وبانـت أعراضهـا

وأمسىَ بقلبي لصلفات الطواري وسـوم = والعين سامر نظرهـا بـارقٍ هاضهـا

وتاقت حيام الهجوس لصاملات العلـوم = اللي ورىَ الصدر مشتاهـا ومقياضهـا

ورّدتها لين تروى والخفـوق مخـدوم = من جمّـةٍ يصـدُر الـروّاي ماغاضهـا

يأهل الهوى مابقالي في هواكـم لـزوم = خربَت قلوب العباد وكثـرث أمراضهـا

عُقب الوفا والصراحه والطرب والسلوم = شدّت طوال العلوم وحلّـت اعراضهـا

واليوم يأهل انفتاح التقنيـه والرقـوم = ماباقي الاّ رسـوم الحـب وأنقاضهـا

الحب مايتبع الموضه وطـرز الهـدوم = ويخلف مذاهب طيور العشق وألفاضهـا

والحب ماهوب رسمة قلب فيها سهـوم = مابيـن هاذيـك زعّلهـا وذي راضهـا

اليوم كل ٍ يصيد وكـل طيـر ٍ يحـوم = وكم صيدة ٍ شاع ماقعهـا ومنهاضهـا

لين اصبح الحب حربً مثل حرب النجوم = واللي ماتِرخِص شيمها تِهتَك أعراضها

والعز مأحد ٍ لبس ثوبـه بليّـا كمـوم = جعل المنايا تقـود الـلاش لحياضهـا

تصحى القلوب الجَبانه في الحلوم وتنوم = والليل يضحـك براضيهـا ومغتاضهـا

وتكتُب حكايات عشق ٍ من خيال الرخوم = وتجارب ٍ ماتبيّض وجه مـن خاضهـا

لكنّ لـولا التغيّـر والفتـن والسمـوم = ماكان جفّت ريـاض القـاع وفياضهـا

واللي تغيّر ماهو بس الهوى والسلوم!! = اليوم حتى الصداقه كثـرت أغراضهـا[/poem][/frame]

سعد
الله لا يضرك ياشيخ .. أي والله اليوم حتى الصداقه كثرت أغراضها ..
شاعر جزل .. تطرب الذائقة السليمة .. ورائع قليله في حق هذه القصيدة ..!
محبوكه .. من أول حرف إلى آخر حرف ..!

.
.
تقديري .. لك

,