منتديات المرقاب الأدبية - عرض مشاركة واحدة

21-10-2007, 09:41 AM

أعـوذ بالله مـن عيـش الشظـف و النّكـد
و أعوذ به من ضياع العـرف فـي موعـده
و اعوذ بـه مـن شماتـة مبطنيـن الحسـد
نـاس بفعـل الجمايـل و الـوفـا ملـحـده
يا الله و أنا طالبـك عيـش الهنـا و السعـد
فـي ساعـة يحصـد الرجّـال بـذرة يـده
يـا طيـب حـظ الـذي للواقعـه مستـعـد
أمضـى حياتـه و روحـه للولـي مجْهَـده
و يا قشر حـظ الـذي للواقعـه مـا اجتهـد
أمضى حياته بجمـع المـال فـي الأرصـده
تدور الأيـام و ابـن آدم يعيـش ف.. كبـد
يا كثر طرده لهـا .. و إليـا تعـب تطـرده
تغـرّه بضحكهـا .. و تعيشـه فـي رغـد
مـا يـدري إنهـا ليـا منـه وقـع تجحـده
ذخر الرجـل عقـب طاعتـه لعظيـم ٍ أحـد
طيـب فَعَلْـه بنقـا مــا يلتـفـت لـعـدده
ثم عقبهـا .. صاحـب حبّـه طويـل الأمـد
يَسنْده لا طـارت آمالـه .. و ضـاع جهـده
و الصاحب اللي نكث عهْده .. نهـار العهـد
وش عـذره إليـا تقابلنـا و قمـت أنـشـده
كنت أحسب إنه علـى صكـات بقعـا سنـد
و أثره من اللـي ليـا واعـد يفـضّ وعـده
أجرع مرور الزمن و أسقيه صافـي الشهـد
و أدرى علـى سيرتـه مـن ناقـد ينـقـده
غفـوة عيونـه ليـا منـه سهـر مـا رقـد
فزعته .. لا شـان وقتـه و ابتـدى يضهـده
و اليوم مـن عقـب مـا دق الزمـان الوتـد
ياكثـر بيبانـه الـلـي جيتـهـا مـوصـده
يبقى العوض في رفيقي .. ترثة أب ٍ و جـد
نفـس ٍ عزيـزه علـى الشهـوات متسيـده
ما دامني ما أشتكي مـن قـل مـال و عـدد
يعقد لي الوقت .. و اصمل له .. و احل عقده
أعيش عيشة الأسد .. و أموت موتـة الأسـد
لـو إن زمانـي يجـي بالمجهـدات جهـده
ودك ليا ضاقـت الدنيـا علـى ابـن الفهـد
يصبر .. و يلقى الفرج مـن محيـي الأفئـده
و ودك ليـا قلّـت الحيلـه .. تعيّـن ولــد
قـرم ٍفعولـه ليـا مـن ذكــرت مسـنّـده
الرجـل لا مـن بغـا يبنـي بيـوت جــدد
يتعـب علـى ساسهـا و يثبـت الأعـمـده
و ألا فـلا هـو بمجـبـور يعـمّـر بـلـد
بيـوتـه إن هـبّـت الأريــاح مـتـهـدده
دمنـا علـى الأرض نمّـن* عيشـة ٍ للأبـد
الرابـح .. اللـي تحتهـا وآمـن ف..لحـده

الله الله الله الله الله لله الله الله الله

يااااااااااا سلاااااااااااااااااااااااااااااااااااام يااااااااااااااااااا سلاااااااااااااااااااااااااااااااااااااااااااااام

صح لسانك مليون والله قصيده جزله من راس جزل والله انها من اروع نا قرأت

متابع لك يالغالي

لك كل الود والأحترام