[align=right]السلام عليكم


هذي قصيدة للشاعر فهد الأسلمي ( جزل القصيد) ...يذكر فيها الزمان و شئونه....و عندما قرأتها هيضتني فحاولت مجاراتها........و آمل أن تنال الأصل و الرد استحسانكم....[/align]




[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
مات الضمير الحي في واقع الناس= ... ومن موتـته ماتت علومٍ مهمه

يحزن عليها طيب الراس والساس = اللي معرّب راس خاله وعمه

دنيا تخلي صاحب الفكر ينحاس= تنقض عهود و وعدها ما تتمه

تجرح شعور اللي له اشعور واحساس=وعنده يزيد الضغط ويفور دمه

في بنكها تودع احسابك للافلاس= تقهر طموحك لين حالك تسمه

وراع السطر تحمس ضميره بمحماس= و في كل يوم توجه الغزو يمه

دنيا علينا نابها يضرس اضراس=عوباً تبيـّد حيل من فيه همه

ياما فقدتنا سلوم طاله و نوماس= و خلاّ عياها جروحنا مستشمه

الاوله غيرة هل الجوخ والطاس= اللي لهم شيمه و مذهب و ذمه

أهل الشجاعة متعبة كل عرماس = اللي هدفها لا زمت ما تزمه

جا بعدهم ذلان و رخوم وخساس=و الفرق شاسع بين طيٌب وخمه

والثانيه هقوة هل العزم والباس= اللي منازلهم على راس قمه

جا بعدهم قوم رضت طمنة الراس= عاشوا على مكر وهياسه وثمه

والثالثه للصدق قيمه ونبراس= عند الرجال معوصبين الاعمه

صار العوض فيهم منافق و هلاس= طيبك ومدحك عنده اكبر مطمه

والرابعه وصلٍ بلا حد وقياس= غير الموالي جرح الأقصى يضمه

جا بعدهم شرذمة ارخوم وانجاس= قطاع فالارحام وابوه وامه

وقدر القرابه بينهم صار ينداس= طغى عليه الحقد والكره دمه

والخامسه من بعدهم خيم الياس= اللي شتات الشمل دايم تلمه

كبار الهقاوي لانثنى كل هساس= تفتل زمام العلم ماهي تخمه

صار العوض فيهم سقيطه و يلاس= قوم مماشيها على غير يمه

ولا قول يوجد عيب في كل الأجناس= واف الخصايل كلمتي ما تعمه

اقصد بها خبل لبس ثوب الادناس= قلبه كبير وراس خشمه يزمه

غره ابليس وزاد نقصه تغطراس= و انا قصير الباع ما لد يمه

ولا للردي في مجلس الطيب مجلاس= علمٍ قصر دونه وعلمٍ يزمه

لعل راع الكبر قطاع الانفاس= لون راع الزوم ما شلت همه

واستثني الطيب ولا يلحقه باس= اللي يشمُر للمواجيب كمه[/poem]


[align=right]و كان ردي عليه :[/align]





[poem=font="Simplified Arabic,5,darkred,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الاسلمي يشكـي و انـا أقـول لا بـاس=يـا طيّـبٍ مـن ربع شيـمـه و هـمـه

مدميـن مـن شـم الـذرا بلطـة الفـاس=كسـابـة الـطـالات وقــت الملـمّـه

الوقت نفس الوقت ، لو قلـت: لا ، هـاس=مـا هـس جمّـه يـا فهـد عن مجمـه

قل لي وش اللي جد؟ ....بالوقت و الناس=ما شفـت انـا مـا يلفـت الشـوف يمـه

من خلقـة آدم و البشـر طبعهـا اجنـاس=اللـي يخلـى العلـم و الـلـي يضـمـه

و ان قلت لا….قلت: التواريـخ، جـلاس=علـى اللـيـال البـيـض و المدلهـمّـه

تنـذر تقـول: البنـي مـن قـوة السـاس=و ولـد الكريـم يعوّقـه منـسـب امــه

و تفخر بحـَـبـر المسلمين ، ابـن عبـاس= و ابـو لهـب، تشنـاه لـو كـان عـمـه

و امــا 'و لد مقصـود'، قـواد الامـراس= فيـل أبـرهـة جـابـه لمـكـه يـزمـه

سبـب علـى قومه، غرابيـل و اتعـاس=ترذلـهـم العـربـان شــامٍ و يـمـه

لو الفخـر يجلب من السوق باكيـاس=شفت أكثر العربان كـلٍ بقـمـه

ميـر الفخـر ، يجلـب بقطـاع الانفـاس=مـن مبتـدا المنـهـاج لآخــر متـمـه [/poem]



و سلامتكم.....