ياصاحبي لو مالعطش والمسافـات
ماشفت في وجهي حكايـة ذبولـي
ولاشفتني بيـن المخاليـق بـذات
طفلٍ وضيع منـه وجـهً طفولـي
والليل طال وطالت ابه الحكايـات
عن الخريف اللي بقى من فصولـي
فان كان مالمت المواجع والاهـات
باي حـق تلومنـي فـي نحولـي
هذا سـوال ومالقـي لـه اجابـات
وياليتنـي قلتـه بداعـي فضولـي
والصبر طول بس هيهات هيهـات
الحول حـول الله ولاهـو بحولـي
والجرح عـدا لاتقولـي سلامـات
الله يسامح كل مـن كـان حولـي
صحيح من ذكرى وماضي وقد فات
لكـن يبقـى فالملامـح ذهـولـي
واذا الزمن سولف فمجد وبطـولات
وعن الطعون اللي بغاهـا عذولـي
انا بسولف عن نجـوم السمـاوات
وعن الخطام اللـي موثـق ذلولـي
مادام قلبي حي وان طحت مامـات
انا اعتبر موقفـه موقـف بطولـي
لكنـك اسمـع والعبـر بالنهايـات
وانا باقـول ووقفتـي قـد قولـي
طال وكبر حاقد وحاسـد وشمـات
ماهمـنـي ذولا وذولا وذولـــي
يهمني لن كان راحت ولـن جـات
كم صار بين الناس عرضي وطولي
ياسلام ياسلام ياسلام
هذا مانحتاج له من شعر يغذي ذائقتنا الشعريه ويعيدها الى صحوتها
شاعر كبير والكبير الله
يافااااااااااايز
تقل أعجابي
|