ما ورا رزّ البيـارق ولا قـرع الطبـول
غير ستر الله على اللّي تصبّـر وابتـلا
والمواطن ما لقا له على وضعـه قبـول
من غلا الأسعار عـاف التغلّـي والغـلا
يرقص التاجر على جثّة الشعب الخجـول
شعب ساكت والسكوت ابلغ آيات الـولا
ينتظر فجـر الحكومـه ولا للفجـر زول
ما تجلّت شمسها لا / ولا الليـل انجـلا
كـل تشكيلـة وزاره تبـدّل كـل حـول
وين يصلح فاسد الذمّه اوضاع المـلا ؟
ينهبونك يا وطن كنّـك الصبـح بتـزول
كلّ من عبّا جيوبـه عـن ترابـك جـلا




انا اشهد ان صادق يافالح الهاجري لله درك




والله انها حيـرةٍ تربـك ثقـال العقـول
لين حتى الشعب صدره من الغيظ امتـلا
شعبك اللي يوم كانت على ظهور الخيول
شب دونك ناره وصلّ فيهـا واصطلـى
باع عمره لك ولا / وارتكى لشيل الحمول
ما تراخى يوم غيره عن اوطانـه سـلا
طبعنا نوفي عهدنا على حسب الأصـول
عهد ( بدوٍ ) ما يبي له شهـودٍ وكفـلا
يا وطنّا / كم وطنّا / الفتَن وطي السيول
ما ترى فـالبدو جاحد ولا تلقـى عمـلا
يا وطنّا / ما تغيّرت فـي كـل الفصـول
ان تجرّعت المرار أو شربت من الحـلا
غصنك أخضر لكن ورودك اتعبها الذبول
والبلا / داخل / عسى الله يكافينا البـلا



صح لسااانك منه لين ترضى وسلم بنانك



رااائعه من راائع وجزله ن شاعر جزل


سجل اعجابي ومتابعتي