منتديات المرقاب الأدبية - عرض مشاركة واحدة

18-12-2007, 10:07 PM

يا صاحبي لو على دنياك ما دامـت
لو تملك الأرض مغربها ومشرقهـا
لا تلتفت في كلام العـاذل الشامـت
شف اللي باقي من أحلامك وحققهـا
لو تدري الناس وش موزيك ما لامت
تسابقـت للعـذل واللـوم سابقـهـا
لا ارتاحت الناس في شفك ولا قامت
ما يدري بأسرار نفسك كود خالقهـا
تقول عيني لها يوميـن مـا نامـت
وأقـول شاللـي معنيهـا ومرهقهـا
عمر الغلا ما يجي بإحراق ومعامت
معامتٍ نفسـك بنفسـك ومحرقهـا
بعض المحبه طيورٍ كل مـا حامـت
ما مرها مـن الهبـوب الا مفرقهـا
وبعض المحبه طيورٍ كل ما شامـت
عن دارها كن جفا (المربى) يوثقهـا
إن طعتني خل جوالك على الصامت
وخذ قاعدة طنـش العالـم وطبقهـا
البنت مهما أعشقت وأشتاقت وهامت
لو قالـت أنـي أحبـك لا تصدقهـا
الا اللي من حبها لرضاك ما سامت
لو أنذرت عمرها من دون عاشقهـا
ذي اللي في حبها لا تفرح الشامـت
يـا تحبهـا صـدق والا لا تعلقهـا
وأغنم زمانك ترا الأيام مـا دامـت
تغااانم اللي بقـى دامـك مفارقهـا

حمدان

والله اني من متابعينك

وصح الله لسانك ولا هنت

لك كل الود