قمّة أصحـاب السعـاده والفخامـه
لـو تقـوم بحيلهـا ماهيـب قمّـه
البدايـة بيـن ضحكـه وإبتسامـه
والنهايه شملهـم جـاب المطمّـه!
لو تديـر أعمالنـا فاتـن حمامـه
يمكـن المهمـوم منّـا زال همّـه
يـا ولاة الأمـر ورجـال الزعامـه
السحابـه فـي سماكـم مدلهـمّـه
لا تبيعـون الشجاعـه بالرخـامـه
بعـد مـا ولاّكـم الله أمـر الأمّـه
جارنا اللي فوقنا يصلـب عضامـه
أن سكتنا حطنـا مـن تحـت كمّـه
أصـدر التعميـم لبّـاس العمـامـه
وقام يفتـل شاربـه ويفـور دمّـه
رافضي ٍ يرفـض العيـش بكرامـه
ملتوي ينشر ما بين الخلـق سمّـه
من ورا حد البحـر يرسـل كلامـه
و يتـوعّـد بالـقـرارت المهـمّـه
يوم صرّح صبّ حربه فـي سلامـه
وأستدار بشوشتـه ينفـض معمّـه
أنتفخ خشمـه بعـد خيّـم عرامـه
وشايـل البـارود عيّـا لا يشـمّـه
شاه .. وإلاّ ذيب ملعـون ٍ رسامـه
السلاله خاربـه .. والنسـل خمّـه
عقب دار الوضع الأول عن نظامـه
صاح أخو شيراز .. فوق أخوان شمّه
قام يلعب فـالخريطـه لعـب دامـه
ينقـز المجنـون والطـارف يخمّـه
مـا بقـا إلاّ يحلـم بضـمّ المنامـه
والحساء والساحل الشرقـي يضمّـه
تكرم البحرين عـن غايـة مرامـه
ساسها يـمّ العـرب ماهـوب يمّـه
البعيـر الفارسـي زامـي سنامـه
يـا عسـاه بقمعـة ٍ عنّـا تطمّـه
والمذلّـه مالهـا غيـر الهـلامـه
دوّروا لـه خطـة ٍ صمّـا تصمّـه
لين يآكلها ويصحـى مـن منامـه
ويشكي أحواله على خاله وعمّـه !
سداح ياخي والله ماجامل انا معجب اشد اعجاب في شعرك واحبك فالله
ثم ان مواضيعك اللي تكلم عنها في شعرك ليست الا من هموم الملوك والرجال العضما امثالك
دمت ودام حضورك النقي ياعضيم
صح لسانك مدد
تحاتي وودي
|