يا حضرة الشّعر روحي معك موعوده
الله يعينك علـى الـروح الرياضيّـه
خلّك مرن يوم هجسي ذعذعت نـوده
وأصبر على الواهس اللي ما برد غيّه
شاعر وقلبي يجـود بكـلّ ماجـوده
وجوارحي ما تموت وشمسها حيّـه
حساس وأوتار صوتي معك ممـدوده
بالقاف والـوزن مربوعـه ومثنيّـه
بحثت عن وصفة ٍ ماهيب موجـوده
فيها العـلاج المناسـب للحساسيّـه
في مثلث الذّايقه والنّـوع والجـوده
قام الهوى يكحل عيـون الهواويّـه
وأصبح خطير المثلث مثـل برمـوده
لا يفسد الذوق .. وإلا يخـرب النيّـه
أشاهد الوضع والأحـداث مشهـوده
وين السعاده وأنـا عينـي شقاويّـه
لو كنت ماني وكيل الحبـل وعقـوده
وللصالح العـام ماعنـدي صلاحيّـه
لا شكّ لي نظرة ٍ بالنـور مجـروده
والحـر يآخـذ ويعطيهـا بحريّـه !
يا دار منتي على التقصيـر محـدوده
عليـك قبـل الخطـا سـلام رديّـه
في باطنك .. زعزعه ماهيب مقصوده
وفي ظاهرك .. سيرة التاريخ مطويّه
الزيف يزمر عليك ويفتـل عضـوده
في ظلّ ضعف القـرارات الحكوميّـه
قانون تجنسيها مـا تعـرف بنـوده
من جودها تعطي السواق جنسيّـه !
وأعصابنا من طوال العمر مشـدوده
والحزم مفلوت والشرطـه حراميّـه
وفي داخل المجلسين النـار موقـوده
واللي سعى بينهم خابـت مساعيّـه
يا دار والغصن مـات وذاب عنقـوده
تلعب عليه الهوايـش طـاق طاقيّـه
آخر مراسيك بالمرصـاد مرصـوده
رواتب الشعب .. وإستجواب نوريّـه
وزيرة التربيـه ماهيـب محسـوده
صارت محـطّ الخلافـات السياسيّـه
لو أنها من كبيـر الـراس مسنـوده
يزهم على راسهـا روس الفداويه
جزل مبدع رجل عضيم
لله درك
صح لسانك
تحياتي لك
|