ولاء عواد

مخلوق قانع وراضـي بأمـر خلاّقـي
مثلت لأمره وانـا خاضـع مـن الذلّـه
بكيت يـوم المدامـع تحـرق إحراقـي
لكنّ هانـت بعـد جـفّ البكـاء كلّـه
أخاف من يوم تشخص فيـه الأحداقـي
وتميـل بـي كفّـة التقصيـر والزلّـه
يـاربّ عفـوك وأنـا للعفـو توّاقـي
كم لي وقلبـي يفـوح ولا بـرد غلّـه
لو راحة البال تعرض وسط الأسواقـي
ما كان نـص الخلايـق صابهـا خلّـه
والشعر من يـوم ماخربـنّ الأذواقـي
ماهوب في حلّـي ولانيـب فـي حلّـه
ما غير أغنيّه لو مـا حـرّك أشواقـي
قريحتي مـن ثـلاث شهـور منشلّـه
أدرّج السانيـه .. وأعــدّل السـاقـي
واللي سقا السنبلـه عيّـت تسنبلّـه !
مـا حـنّ رعـاّدي ولا لاح بـراّقـي
إلاّ بعـد راحــت اليـبّـاس مبتـلّـه
لكن عسـى ساحتـه بألفيـن طقاّقـي
هـذاك صفـقّ لـه .. وهـذاك طبلّـه
غش ومجامل وزيـف وكـذب ونفاقـي
جات لوجيه البشـر ماهـي لوجـه الله
ومسابقـات القصايـد طـاق طرباقـي
طربق على الشاعر الموهوب وأرسلّ له
فـالليل طارت ما بين دشوش وأطباقـي
والصبح طاحت علـى البـراّد والدلّـه
وعن سلّة البيض يـدري كـلّ سلاّقـي
وكلٍ تحيزم لسلـق البيـض فـالسلّـه
مابين شعر الحـدث وعيـون عشّاقـي
مشكور يا اللـي تعقـد الحبـل وتحلّـه
( خلاص ماعاد فيها قدس وعراقـي )
قبل إحتـلال العـراق القـدس محتلّـه
مدري متى نجتمع فـالمنـزل الراقـي
بعد أفتـرق جمعنـا كثـره مثـل قلّـه
اللي بقا مـن زهابـي مـوس حلاّقـي
نفضت خرجي و وزّعته علـى الشلّـه
من يرفع أقلامي ليـا جفّـت أوراقـي
أخـاف لا أمـوت والأقـلام منصلّـه !




يكفينا شعراااااااا
ولأقل
يكفيناااا زيف ونفاق
يكفينا تطبيل ومجاملات

اقسم برب البيت
اقسم برب البيت
اقسم برب البيت

اجمل قصيده اقرأها بإحساس شاعرها الواااضح الحقيقي

الله يحفظك يا سداح ويحميك من شر الحسد والعين

الله يحميك ويديم عليك نعمة الفكر الطيب

الله عليك ورب البيت انك معجزه يسلم بطن ٍ شالك وربي انك قمه

اخوي سدااااح انت مدرسه
بالفعل مدرسه من الروعه والابدااااع

الله يحفظك ويوفقك ويرزقك بالخير


قصيده قمه قمه قمه قمه قمه قمه ورب البيت اول ما وصلت عند البيت هذااااااا


مخلوق قانع وراضـي بأمـر خلاّقـي
مثلت لأمره وانـا خاضـع مـن الذلّـه


والله شعرت بشئ من الخضوع سبحان الله خالقنا ورازقنا وقراري الدائم بتعديل الكثير من اموري الحياتيه الخاصه بتواجدي الاعلامي من حيث الصوره والمكياج و و و هناااا جعلتني انت اعيد حساباتي مره اخرى وافكر اكثر واكثر ولأول مره اكتب اللي بخاطري قدام العالم كله وفي متصفح الانترنت والله ياخوي قصيدتك تفوق الروعه مادري شقولك اكثر وربي عجزت اعبر




الله يحفظك



فمان الله