[align=center]كل عام وأنتم بخير [/align]


[poem=font="Arabic Transparent,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
زوع قلبي زوعة الحر من راس الطويل=نايفٍ ماربّه إلا قرانيس الحرار
وبري حالي برية العود بالحد الصقيل= في يد اللي قوّ زنده تقادح بالشرار
اتديله واجحد الحزن لا طري الرحيل= كل ما وادعت بيشه ودمع العين حار
جعلها لا بكر الوسم همال المخيل=ديرة الشيبان يامال طولات العمار
أشهد إنك يالموادع على قلبي ثقيل=غير هذي سنّة الله ولا منها فرار
كل ما هبت هبوب المفارق يا خليل=فاضت العين الشقيه على هم وقيار
عبرة في خاطر اللي من الفرقا عليل=يا وسع عذر المفارق ليا هل العبار
هيضتها ليلة السبت وانوار الجبيل=واستهاض الفكر بالشعر في تالي النهار
من خفوق يهتوي الجزل ويكب الهزيل=ويتـّرفع عن كلام المطافيق الصغار[/poem]