مرحبا مرحبا والضيـف غالـي علٌيـه
مرحبا غيبتك طالـت ياعـذب السجايـا
معك راحت تراحيب الغـلا سرمديـه
كلها .. بيـن مقـدار الغـلا والحمايـا
لعنبو غيرك .. اقلط ..وين غيبتك ذيـه؟
مابقى في حبيبـك مـن غيابـك بقايـا
والله انـه لونـه ابعيـد دربـك وجيـه
انك اقرب من الخافـق لعـوج الحنايـا
ضعت مع رمشك اللي له اظلالٍ وفيٌـه
اشهد انـه بمحبوبـك امسـواً سوايـا
وتهت مع جمرك اللي مختلـط فبرديـه
وهرج مملح تحـلا بعـد مـر الشفايـا
وقد مياس مترف ما بعـد شفـت زيـه
انحنى فـي ظلالـه كبريـاء الصبايـا
بيـن صـدرك وعنقـك لبـةٍ مهميـه
مت فيها ضماء قبل اوردك يـا الثنايـا
وشعر مغرور مـا قلـد بذيـل العبيـه
لا انسكب صب ليله في بياض المرايـا
كل ما فيك باذخ!! صعب يوجـد حليـه
قصرت في حقوقك ذوق كـل الهدايـا
انت تحفة .. تحف .. في يد بخيلاً وعيه
والله اللي عطاني اياك جـزل العطايـا
زهرةٍ من زهور افياض نجـد العذيـه
بين حد اقحطـان وبيـن حـد الطنايـا
ابدويه تربت فـي طقـوس احضريـه
الوكاد .. ان اهلهـا محتميـن السرايـا
صح الله لسانك يابو طلال
وعسى الله لايضرك
سجل اعجابي
وتقبل مروري
|