[poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
بسم الذي من نوره ينوُر الكون = وبرحمته كل الخلايق شملها
سبحان ربي .. عالمٍ كل مكنون = لامالت أحوال الليالي عدلها
العز فالأسلام .. وأبليس ملعون =والله يجزي كل نفس بعملها
والعلم حق .. وفيه ظاهر ومدفون=والجاهل اللي مدركاته عبلها
والشعر أمانه .. يحفظه كل ميمون =والصدق كلمه .. كل صادق نقلها
وأنا لراع العرف .. شاكر وممنون=قد الأمانه .. من بمانه حملها
وأنا لراعي كلمة الحق .. مديون = دين الوفا .. واللي توكل عقلها
أختل ميزانٍ به العرف موزون= كن الحقايق جات بأخرى بدلها

بين المجنن صاحي العقل مجنون = وثلثين خلق الله كثيرٍ جدلها


ويوم أتفكر وأقرن القرن بقرون = أيقنت بأن الهاشمي قد وصلها
ثلاثتن .. نضرب بها كم مليون = تجارةٍ.. ماكل تاجر دهلها
يالله دخيلك نصف الأحرار مغبون = والنصف الآخر .. مبتلش في عللها
واللي درا .. ماقال للجاهل شلون =ومايرتكي للكايده .. غير أهلها
العز لهل العز .. والدون لدون= وإللي خلق نفس المعنا كفلها

كان الجدار بوقتنا .. قد له عيون = يرفض قناعاتي ويقصف أجلها
بموت حلمي قبل لناس .. يدرون = والناس ..ماتعذر بسبة جهلها
ومهما يكون ..نموت مانقبل الهون = أقولها ماقالوا الناس قلها[/poem]