عبداللطيف الغامدي

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يامنزل الفرقان وكتاب الانجيـــل =جودك ولاجود الرجال ومددهــا
مدك ولا مدت كريم الرياجيــــل =يمدوم النعمه على من حمدهــا
خمسين ليله دوبحت من ورى سهيل =والعقـربيه قام يرزم رعدهـــا
مقدم بكور الوسم سوداً هماليــل =يجرح طمان القاع مجر بردهــا
تحدر الوسمي وشفت المخاييـــل =وزان الطرب والنفس قفا نكدهــا
وجات العسوس عن المطر بالتفاصيل =اعلوم صدقاً مندور بعدهـــــا
قلنا وش انذوره وقالولنا سيــــل = سيلاً يقض احزومها في جلدهــا
من نجد وشمل كل واداً كما النيــل = الاوديه قام يتطافح زبدهـــــا
خمسةعشر ليله خذ العد تكميــل =خمسة عشر ليلاً صدوقه سمدهـا
ومن فرحتي به قمت اجر المواويــل= وقول من فضايلك يالله زدهـــا
ياسعود شف لاشغالك اليوم تبديــل =اترك مواعيد البلد في بلدهــــا
اركب ونادمني على اسطولت الجيل= اللي عنه نخشى العيون وحسدهـا
ارقاه بسم الله خوف البواتيــــل =وخوف الذي حجان عينه عقدهــا
خطوى ابيضاً ماعد فالمشي لوميل = وبليزته يدوبها في مهدهـــــا
فكسار ما هازه قليل المحاصيــل =عبد اللطيف وكالتــه مفتردهـــا
حنت اسيوره لاسرى تالي الليــل =عويل وضحاً فاختت عن ولدهـــا
نبغى عليه انبدل الجو تبديــــل = ورض غشاه النو فيه نعمدهـــا
ارضاً معالمها فياض وغراميــل = ممشاً بها للنفس يجلي صددهـــا
لمسيت قفراً ماتجيه الازويــــل = كني ملكت افلوس محصي عددهـا
لوكان فيه اتعب وضيّع محاصيـل = صار الولع لي بدعتٍ معتـقدهــا
اسلى لياقربتهن المعاميـــــل = الجــال ناراً مايــوني وقدهــا
وعبيتلي رسلان من فاخر الهيـل = ومنها تقـهوانا وجــلي بعدهــا
نقل الحرار الصاملات الفواعيــل = اللي ينــومس من نقلها هددهــا
فروخ ماعدولها عام تنقيــــل= ولادهلوها اهل الجرد في جردهــا
ننزل بها روضٍ تقل زرت النيـــل = لون العشوب اللي بها الله فردهــا
نلقاء لبرق الريش فيها مداهيــل = واليا لقـــيناها يجي علماً ادهــا
نظهر لهن طلاع في طلعه مهيـل = ومن تحترك منهن عنهن فردهــا
واليا اعتلت فيها يسوي البهاذيـل = يخفق عليها من سـما ويحدرهــا
وان زعقت فيها شبك بالنواجيـل= وجاته وساده عن وطاه اوتسدهــا
منّزل اللي تعتلي الجو تنزيـــل = وان كوبرت لوباد ضـف ولبدهــا
هذا هوى بالي عن القال والقيــل = وعن العــلوم الطايلات ورددهــا
عن هرجتاً تاتي على غير تحليل = من واحدٍ عوج السوالف رصدهــا
يربـخ على العوجى قليل المداخيل = وعــدودها يروابــها لاوردهــا
شبه مهو شبي ولاشب حلحيــل = شب الضعوف اللي هزيلاً جهدهــا
وانا نقيت الهرج خوف الرياجيـل = هل المــــعرفه قالتي تنتقدهــا[/poem]

الله الله الله يا غانم

صح لسانك ملايين ولاهنت

قصيده رائعه وتواجد ممطر بالابداع


الف صح لسانك ولاهنت

واعذرني على فضولي في تعديل بعض الاخطاء الطباعيه والتنسيق

وارجو ان اكون مصيباً

لك التحيه والاحترام والاعجاب

اخوك