[align=center]صحوة ![/align]
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
على حبك صحيت من الجنون ونكسة التفكير = وكن الكون حبك والفضا مسرح رواياتك !
أفسّر للزمن قصة غرامٍ مالها تفسير = وأضيع بحجتي وأوزارها في معمعة ذاتك
تحمّلني مشاريه الزمان الذنب والتقصير = وأحمّلها جفاك اللي خذاك وقلْ جيّاتك
وانا لولاي أخاف من الوقوع بمنهج التكفير = لا أكفّر كل دربٍ ما يوصلني لغاياتك
بلاي إنّك غرامي وانهزامي يرفض التبرير = بعد ما شاف عذري ينحني قدّام شرهاتك !
هلا بك لا تثاقلك الوصال ولا عدمك الخير = عسى ربّي يبلغني هواك ونيل مرضاتك
تفضّل وأطلب اللي تطلبه وإنْ خانك التعبير = تذكّر عهدي الأول ( عسى تفداك زلاتك )
وإلك منّي لا أحقق ماتبي واللي يصير يصير = ولو تطلب عيوني يا عيوني قلت لك : جاتك
أنا تحت أمر نظراتك ، ولو يصعب علي السير = مجرّد سلهمة ، وأبشر وأنا تحت أمر نظراتك
أحيِّي غلطةٍ ساقت خِطاي لعالم التقصير = مادامك غلطتي ما همني تبرير غلطاتك ![/poem]
|