[align=center]السلام عليكم ورحمة الله وبركاته
أسعد الله اوقاتكم بكل خير
هذي ابيات موجهه للاخ الشاعر: عبيد عطالله الشيباني
[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

ياعبيد حالي جاير الهم ناشه = اصبحت بالدنيا يابوماجد معيف
وش حيلة اللي مدوي الهم جاشه = ادواي رعاد المزون المراديف
ماكل شيٍ وده المرء حاشه = وحظوظ خلق الله بوسط المضاريف
وان جاء لزومي ياحمر العين باشه = تشهد لي رجال الوفاء والمواقيف
والحاجه اللي ماتجي لي بلاشه = ماتستوي لي كان ماروي المعاطيف
وانته من اللي مادخلهم غشاشه = ستر العذارى مكرم الجار والضيف
افرح ليا شفتك وغيرك طناشه = الا الرجال اللي تذري عن الحيف
مثلك يابو ماجد بليا نقاشه = واللي مثل فنجال واللي مثل هيف
ياعبيد والدنيا كثيرة هواشه = دوك الكلام اللي بعيدٍ عن الزيف
راس الظبي محدٍ ذكربه عراشه = والمرجله ماحدٍ حكرها على الكيف
ياهل الوفاء مافيه زور ومراشه = هرج الحقيقه مانباله معاريف[/poem]

وسلامتكم[/align]