يقول اكتب قصيده في تواصيفـي وانـا مـدري
وش اكتب ! والقصيده لو تسوق الروح تحت امره
لأن المشكله مافي حروف تمـرّ فـي صـدري
وتقدر تنقل احساس الغـلا والشـوق والعبـره
كلامٍ مـا يجيبـه حـرف لاكـردي ولا عبـري
وصوته ما وصل حبل الحناجـر وانكسـر نبـره
وانا لو قلت له يقـرا شعـوري كلـه بشعـري
كأني قلت له عان الجمـل يدخـل مـع الإبـره
ياعيني يادوى قلبـي ياروحـي يابعـد عمـري
لك الله مابطى سيل المشاعر غيـر مـن كبـره
وانا ادري وانت تدري والعرب تدري ولا تـدري
بأن الشوق شريـان الغـلا وان الغـلا فطـره
جعل من لامنـي فيـك يتطايـر خافقـه بـدري
ولا يبقى ليا هـب الهـوى مـن خافقـه وذره
عشان يعرف وش قصة غرام العـش للقمـري
ليـا رفـرف جناحينـه ورى بغـداد والبصـره
حبيبـي ياثمـر تاريخـي الميـلادي الهجـري
ياقطره مالها غيري بحـر يابحـر فـي قطـره
عشقتك كثر مايعشق مصر من قلبـه المصـري
كثر ماياخذ العاقـل مـن ايـام العمـر عبـره
كثر همي كثر عزمي كثر حلمـي كثـر صبـري
كثـر مايبكـي المومـن بربـه لا ذكـر قبـره
ولو تدري عن القلـب المولّـع كـل ماتطـري
كأنه طار في كفّيـن صوفـي يعشـق الحضـره
وصار بكل فخر يبث لك نبـض الوفـا حصـري
ويمكن لا تطـوّر يمكـن يـزورك بعـد فتـره
ولا الومه لأن اللـي يشوفـك ماجحـد عـذري
جمالك يرخص بعين الفراشـه قيمـة الزهـره
كلامك سدر واحساسك بخور و جوهرك فطـري
ودمك مسك ولسانك سحـاب وخافقـك جمـره
وعينك سحر وعروقك سلام وخاصـرك عفـري
وروحك نور وافكـارك جبـال وشفتـك خمـره
وزفيرك شيح وايدينك نخيـل ومنطقـك عـذري
وجلدك ريش وعظامك قطـن ومغازلـك نظـره
عرفت اشلون وصفك شي مايوصف وانا مـدري
كأني ماخذيت من البحـر كلـه سـوى قطـره
فيصل السواط
لاجديد
سوى الابداع
والحضور الراقي
وفخامة التواجد
رأيي تعرفه مسبقآ
فقط حضرت للمتعه
متعك الله يارجل
سلام عليك
|