[poet font="Simplified Arabic,4,green,normal,normal" bkcolor="transparent" bkimage="backgrounds/1.gif" border="none,4,gray" type=0 line=200% align=center use=ex length=0 char="" num="0,black" filter=""]
مع اعتذاري على التاخير وتقصيري في الرد


ماناحت الورقاء على روس الاقذال= وما جاوبوها سا معين الاشاده
وعداد ما امطر من هماليل وخيال= نوٍ من المنشاء تسابق مقاده
يا مرحبا ترحيبةٍ تشرح البال= من خاطرٍ للشعر يضحك وداده
بالشاعر اللي نبني عبر الارسال= بين الملا عبر كلامه واجاده
يصغيله المشفي سموعه ليا قال= مثايلٍ يسقي بحرها مداده
شاعر وله مبدا ومظهر ومدخال= يقدح على روس الفتايل زناده
وانا الذي ليلي بتسديلته طال= يوم ان غيري مهتني في رقاده
اسبح بديجور الدجى بحر الاهوال= واعرض عن الهين ما احب اصطياده
عيني مضريها بشبحٍ ورا الجال= ورجلي مجنبها دروب النقاده

سجيت مير امسيت للهم مدهال= يا ها جسي ما ابعد من الفكر ناده
همي لفى ما ابطى غيابه بعد زال= حتى وانا في طرقتي في جهاده
مغير انا واياه في حرب وجدال= وزايد ولد عمي بدعواه زاده
يشكي علي من الدهر شين الاعمال= وقتٍ قوي الحيل يفتل قياده
تمضي قرون وتمضي سنين وليال= والادمي يومه على راس ماده
هذي هي الايام راحل ونزال= ما تختلف في مشي ولا هواده
الاختلاف بساير الناس شغال= جايٍ بخلق الله نفاق وقراده
حتى القريب اصبح للادنين محتال= للمصلحه يفدي بروحك سداده
دور رفيقٍ عنك يركن للا ثقال= له عند صعبات المواقيف عاده
واسلم سلمت وباقي القاف اله تال= لكن مثل ما قلت ما ابغى الزياده
[/poet][list][/list]

[poet font="Simplified Arabic,4,white,bold,normal" bkcolor="transparent" bkimage="backgrounds/50.gif" border="double,4,gray" type=0 line=200% align=center use=ex length=0 char="" num="0,black" filter=""]
التطرف كارثه والغلو سم العقول= والخيانه من عيال الوطن سم الكبود
[/poet]