الله الله الله الله الله
الإن الشعر خافـق وشريانـه التفكيـر
والأبداع يملا خافـق الشعـر تاثيـره
هو النايف اللي خصه الوسم بالتبكيـر
وعانق علـوه واتخـذ ديرتـه ديـره
توحد فصول العام فـي قمتـه وتصيـر
على نابت الوسمي وصـادق تباشيـره
ولآ ذعذعت من حروته نسمة التنويـر
يشرع لها متضايـق البـال ازاريـره
غرور التميز فرع من شجرة التغريـر
تقرب لنعـش المبـدع اول مساميـره
ومبدا الكمال يشابه اسطورة الاكسيـر
ولا يوجـد المعـدوم كثـرة مداويـره
جزا الله شعرٍ يوم سولفت عنه صغيـر
زرع في عيون اقراني الشك والحيـره
وانا وانت يانايف وردنـا لجـم البيـر
واخذنا العبر من سوء حالة مصاديـره
ابوخليل
والله ماابي امدحك لإن
وانا مامدحتك لن مدح العلـم تشهيـر
كأنك تنقـص مـن مقامـه وتقديـره
ابي حاضرك غصنٍ يغني عليه الطيـر
ومستقبلك غصنٍ يغـرد علـى طيـره
صح لسانك مدد
وجدد اعجابي ومحبتي
لك تحياتي
|