ليه الجفا قلي عسـى ما بــك اخـلاف..........قلي عسى ماغيـّـرتـك الليــالي
ياصاحبي حكمك عليّ مابــه أنـصـاف.........ليتك تشوف بغيبتـك وش جـرالـي
أرحم خفوق (ن) في الهوى شاف ما عاف.......تومي به همومه جـنـوب وشمـالي
واليوم تطلبني بـعـد كـل مـا طــاف.......أنساك وانسى في الهوى ما مضـالي !
بالهون لا تقسى على القـلـب بسـراف.....مايحتمل مـنك القسى وانـت غـالـي
انت الحبيب اللي له الـقـلـب مـيـلاف ......ودنيا (ن) بدونـك علها للـزّوالـي
وان رحت عني باقي العـمـر يـنـعاف ......ولاعاد ابي من دنيتي ما بقــالـي

حنـا لنا طـبع ومجـال و قوانين

ما حاشنا غـث الزمان وفسـاده

رفيقنا الطيَب على العسر واللين

اللي مع أهل الطيب يقدح زناده

نتعب على وصله لو إنًا بعيدين

ونشيـل حمله لا تـمايل شداده

دستورنا حاضر ولا فيه بعدين

وألا الـردي نـاره تعـوًد رماده