منتديات المرقاب الأدبية - عرض مشاركة واحدة

05-03-2008, 12:19 AM

أنا والشعر وأسرار المحبّه في مهب النـود
على كلّ الجهات الأربعـه قامـت تلاعبنـا
ليا هبّت هبايبها .. نطق العود فوق العـود
ونفلّ شراع مركبنا .. ليـا هبّـت هبايبنـا
زهمنا واهس ٍ داخل نطاق التغطيه موجـود
يراسلنا وحنا لـو تزيـد الذبذبـه ذبنـا !
ألا يا دارنا يا أم الكرم وام الوفـا والجـود
نحبك وأنتي أوّل من عرفنـا مـن حبايبنـا
ألا يا دارنا يا اللي غلاك مع الولد مولـود
تشّّبب مع ولدنا .. بعد شيّب راس شايبنـا
لك الله ما نزايد في هواك ولا نريد شهـود
علاقاتنا الحميمه نعتبرهـا مـن مذاهبنـا
ولا ندري علينا زود .. وإلاّ ما علينـا زود
لكنّك في حمانا من لحانـا فـي شواربنـا
علامك بعد ما مالت غصونك وأثمر العنقود
تركتينا لعين الشمـس واللاهـوب يلهبنـا
تغيّرتي علينـا والليالـي حبلهـا مشـدود
ولازلنا نشيل العشـق الأول فـي مزاهبنـا
تمدين الوفاء للخاين اللي مايحفـظ عهـود
وحنا ما ومرك الله تشوفي وش مطالبنـا ؟
يقولون الوجيه البيض غشّوك الوجيه السود
وأنا مدري لكن اللـي يغشّـك لا يصاحبنـا
كثر خيرك بعد جدتي علينا والثمن مـردود
وغليتي معيشتنـا .. وزوّدتـي رواتبنـا !

سداااااح باشا