[align=center]السلام عليكم ورحمة الله وبركاته



اليكم مع التحيه



/



/[/align]





[poem=font="Simplified Arabic,5,firebrick,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

لا واهني اللي لـه النفـس لايمـه=اليا ارتخت عن طاعة الله عزايمـه

لا شاف تقصيره ورحمآت خالقـه=قامـت همومـه بالحنايـا تزايمـه

ولا واهني اللـي بعيـدً بشوحتـه=سريع خطوه مـا تبـارد قوايمـه

للخير عجل و يدفعـه قـو معرفـه=من عوفيا فليحمـد ولاهـي دايمـه

العمر مثل الزرع يعجبـك طلعتـه=والزرع مهما طال تقرب صرايمـه

والوقت مثل السيف يـا قـو سلتـه=من لا تدارك صبحه امسى بظلايمه

تال الزمن فيه اختلافً عـن اولـه=حتى الهوى شفنـا تغيـر نسايمـه

وفيه انتكـاسً بالمفاهيـم والـرؤى=واهل الرؤى عن بوحة السر صايمه

سحابـةً سـوداء كثيـرً عجاجهـا=والشمس من خلف المراديم غايمـه

يدوي رعدها وبرقهـا يشاف له سنا=يخيلها اللـي مـا عيونـه بنايمـه

واللي عيونه نايمـه مـا يشوفهـا=لـو لامنـي مانـي بـوالله لايمـه

انظار بعض النـاس دايـم موقعـه=وانظار بعض الناس بالجو حايمـه

وكبود بعض الناس تونس ولا خلت=وكبود بعض الناس ماهي بزايمـه

كلً حسب عرفه وعقلـه ومذهبـه=وكلً وله نهجه وطرقـت خرايمـه[/poem]


[align=center]


وسلامتكم ،،،[/align]