منتديات المرقاب الأدبية - عرض مشاركة واحدة

23-03-2008, 02:46 AM

المشاركة الأصلية كتبت بواسطة عبدالرحمن حمد العتيبي

[align=center]:
:

عبداللطيف الغامدي ..

الأنسان (( الأصيل )) ..
والزميل (( النبيل )) ..
خليط من الصفات الكريمه (( صهر )) في قلب هذا الرجل ..
ففاح بتعامله الراقي ..
ليكسب (( الود )) من أطرافه ..

شاعر عذب ..
يكتب على شاشة قلبه ..
الجميل من الشعر ..
فيكشف الغزير من المشاعر ..

في النظم .. سابك .. حابك .. من طراز (( فاخر )) ..
له كاميرا شاعريه لاتعكس الا الجميل من الصور الشاعريه ..
تبتل قصيدته بـ (( الأحساس )) فلا تمر مرور الكرام ..
وفي المحاوره .. لايفتل عليه من الشعر مايستعصي على (( نقضه )) ..
ولا يفتل مايسهل على خصمه نقضه ..

(( كسر القزاز )) ..
ففاحت أول روائحه الشعريه التي عرفتني به شاعراً ..

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
هزمتني يابو ثمـانٍ ماخـذه لمـع القـزاز = يسلم جديلٍ ماخـذٍ لـون الليـال وطولهـا
بنيت بنيانك وثبتّـه علـى القـاع العـزاز = واليوم لا ني ساكـنٍ دارك ولانـي حولهـا
قصورك اللي في ضميري ما يحرّكها اهتزاز = وقصورك اللي فالوطى تعبت وآنا آجولهـا
واصدّ عنهاوانزوي بين الحقيقـه والمجـاز = وتردني اللهفـه وكنّـي ماشـيٍ برجولهـا [/poem]

واستمرت علاقتي الشعريه مرورا ً بفيض قصائده المتجدد ..
وقفت عند (( يالايمي )) :

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا لايمـي مـن بعـض لومـك خلّنـي = انـا علـى اللـي مارجيـت الا رجـاه
ملّيـت مـن عـدّ الجـروح وملّـنـي = وقتي ولكن مـا رحمنـي مـن غثـاه
لـي موعـدٍ كنـت احتريـه وزلّـنـي = ابطـيـت قـدامـه وخـلانــي وراه
ليتـه تجمّـل يـوم حــلّ وحلّـنـي = ما كنت ابشكي معه من فقـدي سـواه [/poem]

وعند (( تالف الاوراق )) ..

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
اخاف انشد ولا القالي جواب يطمّـن الخفـاق = واضيف الحمل فوق الحمل الاول وانهك اكتافي
أمانه لو وصلّك شـيّ عنّـي قـدّم الاخـلاق = بجملة (ماعليّ خلاف طيّـب) واحتـدي قافـي
مادام انّي جمعتك ذكريات الين صدري ضـاق = بشقّ الصّدر واستأصِلْـك منّـي والله الشافـي
وبقصّك من ضلوعي والصْقِك في تالف الاوراق = واشوفك قدم عيني تندثر واستعـذب إجحافـي [/poem]

وعند (( ريح ضميرك )) ..

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ليتـك كنيـت الدمعتـيـن وتخـارجـت = من كسر قلبي يـا عسـى الله يجيـرك
و ليتك فتحت ادنـى الضلـوع وتفرّجـت = وتشـوف حالـك فـي حنايـا عشيـرك
انـا علـى واقـع حضـورك تبرمجـت = مـن شهقتـك.. لا ونّتـك.. لا زفيـرك
البارحـه مـن ضيقتـك مـا تهرّجـت = ساكـت وتعبيـري طــواه اتعبـيـرك [/poem]

هذا شي من عبداللطيف الشاعر العذب ..
والأنسان الأعذب ..

كم هو جميل أن تحفل دنياك برجل من طراز (( ابوراكان )) ..
وكم هو جميل أن تقترب من قلب هذا الأنسان النبيل ..

هذا شي من عبداللطيف الذي عرفته .. فـ (( ألفته )) .. !!
لك مني وافر الحب ياصديقي .. !![/align]

صورة .. طبق الأصل .. لـ .. (( ابو راكان )) .. مع التحيه والتقدير ..

لو عندي تعبير افضل من هذا التعبير .. ما تأخرت به ..

أبو راكان .. رجل قبل الشعر .. والشعر يجري في دمه ..
رجل يفتخر الرجال بمعرفته .. والأصحاب بصحبته ..

.

شكرا لك ناصر على هذه النافذه الوفيه .. ولاهي مستغربه منك يابو وليد ..