قم ياعلي واركب على صنع برلين
مركب كبار القوم واهـل الشكالـه
بي أم دبليو ماشـروه المساكيـن
واللي على نفسـه عزيـزٍ ريالـه
حـــجـــمــــه ( 765 )
ماهوب في صاله ولا فـي وكالـه
بلوتوث شاشه جلد فتحه وقيريـن
ماعاد باقي غيـر يمشـي لحالـه
ثم نحره لصاحب اللي على الديـن
عز الرفيق وعـز منهـو شكالـه
الهاجري ذخر الرجـال المسميـن
حلاّل عسـرات الامـور بسهالـه
وقله يقول ألك النصيف الهوى شين
وياسعد منهو مبتعد عـن مجالـه
واللي جرى حبه بوسط الشراييـن
مدري وش اللي يابو صالح جراله
مــن شـهـر 10عـــام 27
لليوم ماكلـم ولا ارسـل رسالـه
واتلا العهد يوم افترقنا متصافيـن
ومن عقبها مدري وش اللي طراله
وجدي عليها وجد من راكبه ديـن
ومن الفقر يـادوب يوكـل عيالـه
العمر في الـ60 والراتـب 2000
يروح بيـن اجـار بيـت وبقالـه
او وجد عودٍ هاجرينه لـه سنيـن
على فراش الموت من ضعف حاله
اكبر عياله يسبره عقـب شهريـن
وكنه مسوي فيه لاجـا جمالـه !
عز الله انها دره دره دره
وانها تفتح النفس
ووصف روعه وتصلح مصمم في برلين الله لايضرك
ومسنده لشاعر كفو ومبدع
الهاجري ذخر الرجـال المسميـن
ونعم اي والله
|