[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
للضيق في بعض العيون هلال = مايطلع الاوالدموع حشود
واللي يقولون الدروب طوال = سلم عليهم والدروب سهود
سنين وانا راحل ونزال = ماجيت درب الاوهومسدود
ازريت اجاهدوالحمول ثقال =ولالقيت من التعب مردود
على كثرماعندي من امال = اصبحت احس ان الامل مفقود
ولاشعرت ان الامل لازال = حتى وقفت الماقف المشهود
حولت مثل السيل لامن سال = يشق الارض وينحت الجلمود
اسبق على رجليني الخيال = كله لعين العود وابن العود
قدامي جبال ووراي جبال = واناجبل ولاعليهم زود
عامين واهل الشعرباحسن حال= نجاحهم متواصل وممدود
نجاح لايذكر ولاينقال = لوان ابوخالدمهو موجود
ياشيخ وانت اللي ضربت امثال = للي طموحه ماهوب محدود
بنيتلك مجد وصنعت اجيال =وبذلت لاجل بلادك المجهود
وحطيتلك في كل قلب رحال =وحببت فيك ام العيون السود
البنت والا اللي مع رجال = مافيهم اللي ماتحبك زود
نهار ماللواقفين ظلال = والشمس مغشيه من البارود
لنك ذرا اللي يلبسن الشال =لاطاح قدام الجنود جنود
ولنك بحر ماينعرفله جال = من جزرك لمدك وكلك جود
ولنك لياجا فالفعول جدال = كسب العرب ناقه وكسبك ذود
سلمك سلام وحربك استبسال = وفالحالتين مجمل ومحمود
يابواليمين اللي تطش المال = يوم ان بعض الناس مامن فود
يمنا اليامدوا لها الفنجال = فنجالها من دلته محسود[/poem]
يوسف
كل شعر الشعر موجود
انت من يلوي الاعناق حقا يا كبير
شعر غير والشاعر غير والنظم غير والحبك والسبك غير
نحنوا هنا امام الظاهره يوسف العصيمي مابقى للابداع مكان بعد هذه الشامخه
عموما يكفينا انا امام (( الحر النداوي )) وربي انه مايلوق لغيرك وياطيب راسك ذيك الليل بالمسرح لشيٍ ماقلته .سلم راسك
دمت سالما
|