محمد صالح العتيبي
يقال : إن خِربت القمّـه يبـا يقعـد بهـا بشّـار
لـو إن القمّـه أصـلاً ماتبـا واحـد يخربّـهـا
انا ادري وش حصل ، سداح مايدري وش اللي صار
وأخـاف أعطيـه معلومـه بعـد بكـره يسربّهـا
سداح
انا ما أقول غير أصبر وتابع نشرة الأخبـار
لكنّ اللي تباعدها عسـى الله مـا يقرّبهـا
مدام أنّك على ما قلت خايف تكشف الأسرار
علومك خلّها داخل ضميـرك لا تقـرّ بهـا
محمد صالح العتيبي
تشاورنا على حمل الامانه .. والفلك دوّار
وجانا من جهتكم جيش مدري من مدربّها
تشوف المشكله مدري تعامى ماتبا الأنوار
ولكن المطيّه .. ماتقـوم .. ألا نضربّهـا
سداح
جبرك الله يا بومازن .. رحمك الله يا بوعمار
لا تدخـل بينهـم واللـي يشرّقهـا يغرّبهـا
نبا نعطيك من لحم الجزور ونذبـح الجـزّار
قضبنا الهاربـه لا عـاد يامحمـد تهرّبهـا
محمد صالح العتيبي
تعلقها على الدنّه نعلقها على الشنكـار
ذبيحه قبل لا تنكس .. موكلّها مشربّهـا
نبا نحتال والحيله تحيّر .. راعي الأشوار
وحيلتك القديمه .. ياولد غنّـام جربّهـا
سداح
تبون الجنّه ورحتوا في صفّ اللي يبون النار
عرب لكنّ مدري كيـف جملتهـا نعرّبهـا
ترا دمك يا بوتركي خفيف ودمّ عمّك حـار
دروب ٍ ما وراها إلا الندامـه لا تمـرّ بهـا
[align=center]ابو تركي والدكتور
صحت السنتكم
محاوره قمه
الله لا يضركم [/align]
|