[align=center]هزّ جذع الروح يتساقـط قصيـد ولمّـه
دام في مدّة يدك باحساس سـرّ الهامـي
وان بدا لك شخص يشكي لك تنامي همّه
لا توحّـده بمجابـه همـه المتنـامـي
هذا انا يوم امنح الكلمه طريـق وهِمّـه
لجل تطوي بي مسافة صمتي المترامـي
اعترف لك ما بقى للجهـد شـيّ آتمـه
لجل يرضى واقعي بكّيت عيـن احلامـي
ابتلشت مـع الزمـان يخمّنـي وآخمـه
يرفض استسلام جوره وارفض استسلامي
كل ما قلت انحصر ضيمه يجيـب مطمّـه
واثر هـذا ديـدن الدنيـا وسلـم ايامـي
اتجاهـات التعـب شتّـى ولا لـه يمـه
والغريبه وين ما رحت اصدفـه قدامـي
وهذا انا بينت لـك سـداً تعبـت آدمـه
ماشكيتـه غيـرلله ثـم لـك يالسّامـي
لنّك الزم لي من البلسم ونضـح الجمّـه
ولنّي اشرح لك شعور المنجرح والضامي
ولن لي بك حاجة الطفل لحنـان الضّمـه
ولنك اوثق من دواير بصمتـي فأبهامـي
حطّني فالوصل عن فقـدك قليـل الذّمـه
واعرف ان العهد مهما ابطى يظلّ الزامي
ماانت ابو جرح القدر لكنّْ جـاك وسمّـه
يمكن انه يندمل بيـن لحمـي وعظامـي
ياسلام ياسلام
عبداللطيف الغامدي
صــح السانك مدد ماهوب مدد
قصيده ابداع في ابداع في ابداع
احساس ومشاعر وعذوبه من شاعر لا يستغرب منه الابداع
تقبل أحترامي وأعجابي
ولاهنت[/align]
|