السلام عليكم ورحمة الله وبركاته

ايضاً مشاركه متواضعه للتواصل مع ذوائقكم العاليه .... مع كل المحبه
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

يا طموح الحروف ويامناها = يا بذخ كل بوح ويا رصيده
لا تنشّد هجوسي وش بلاها = ابطت تْجيب لرضاك الجديده
لانها كل ما مدّت يداها = للفضاآت تلقاها زهيده
كل نجمه بدت لي في سماها = لو تقدّم لعينك مستفيده
اعذب الشعر كذبه من حلاها = تجرح الصدر وتروّح عنيده
واغلب الناس شاعر ويتباها = لا قرأ له قديم وجا يعيده
واصدق احساس نبضه محتواها = انت واللي تهقواه وتريده
فكرةٍ توّهتني في مداها = غار منها الوجود وهي وحيده
لو جبرها الشعور ولو نهاها = عند ظنّك ولا عاشت بعيده
وانت فكرة قصيده من غلاها = ما تجريت اضعها في قصيده
شاعرك ما يهمه من قراها = دامها معك تسبح في وريده
كلما احتجتها جب مبتداها = يا عسى ايام شعري بك مديده
أرسل الكلمتين وخذ صداها = قبل تنشد عن القاف وبريده [/poem]