ياوقت مالك على شخصـي نفـوذ وصـلاح
ولا للأيـام فضـل .. ولا وجـود ومصيـر
على كثر ما اشهرت سودك علـي السـلاح
ما اعلنت لامرك ولاء الطاعه .. ولاكنت غير
شخص ٍ مع الصدق يدرك قيمـة الارتيـاح
في كل ما يشغـل الـروح ويهـمّ الضميـر
العـام خوّفتنـي مـن عاتيـات الـريـاح
واليوم لقّيتهـا راسـي .. وعـدّت بخيـر
وقفت وقفـة كبيـر ٍ مالـي امـر ٍ متـاح
الا ان قدري كبيـر .. وظلـم وقتـي كبيـر
آخذ يديـن اول الليـل .. ليديـن الصبـاح
مابين صبر ٍ جميل .. وبين حـال ٍ كسيـر
لا بيّن الضعف في حالي .. ولا الدمع طـاح
ولا كشف جرحـي الاول .. ستـار الاخيـر
الاّ على البـارق اللـي طـال عينـي ولاح
في عارض البعد بأحـداث الالـم والسريـر
ايقظ على حيـن غـره موجعـي واستبـاح
قداسة الضلع الاقصى .. واستحـلّ القصيـر
انا اشهد انـه تمثّـل فـي عروقـي ونـاح
بالصالح من الدعاء ..والمنهك مـن الزفيـر
لاياحبيبـي فـداك اللـي مـن العمـر راح
واللي بقـى واتقـى مابيـن بـرد وهجيـر
مـن الطمأنينـه اغـزل للمشاعـر وشـاح
واستدرج الروع عن حالك لسلـك الحريـر
ماغير انا والعتب واقسى التعب فـي كفـاح
في دايـرة غيبتـك مـع بعضنـا نستديـر
لاتتـرك الهـم يقتلنـي ويطلـق ســراح
ماكان من عزم في صدري للامـر العسيـر
ترى المقاديـر حبلـى .. والليالـي لقـاح
والله واعلم عـن اللـي يستجـد ويصيـر
واغلـى شعـور يتذوّقـه الفقيـر النجـاح
واغلى نجاح ان تعاطى النور عين الضريـر
الله الله الله الله
ماشاءالله تبارك الرحمن
ابداع غير مستغرب من شاعر بحجمك يا استاذي
صح لسانك
|