فيصل الدوسري

لاعاد تنشد ويش حـال فهيـد , يامـال الغنـاه
الأسئلـه معروفـه , ومردودهـا .؟ مردودهـا
بعض النشايد توجـع الرجّـال , وتبيّـح خفـاه
ودّه بفرقـا النـاس لمفـارق كُثـر منشودهـا
ماكـلّ بـرقٍ يجـذب المسنـي ليامنّـه رعـاه
مـدام مالِحْـق المطـر فبروقهـا ورعـودهـا
والبارحه , ليله مهيب تعدّ مـن ضمـن الحيـاه
لوانّه ايكاشف علـي نـور القمـر .؟ ياسودهـا
أغبط خليّات القلوب اللّي لو اتحصّـل لهـاه .؟
اتسجّ فـي جـرّة ربابتهـا , ورنّـة عودهـا .!
وانا لي الله قلبي البـارح شعـاه اللّـي شعـاه
يطمر معاليقي من أصغرهـا , وياصـل عودهـا
أمتّر ( الجهرا ) بساقي من خـلاه وفـي خـلاه
ماكنّه الا قـي مطالعهـا .؟ يحـرْس حدودهـا
خابر لـي اطـلالٍ لوقـتٍ راح وأعطانـي قفـاه
يابري حالي , يـوم أمسّيهـا وذعـذع نودهـا
والنـوم , مالنّـوم درْب لعينـي ولالـه طـراه
ودموعهـا ياهونهـا , ومْـن اوّلٍ ياكودهـا .!
الضيقه انتشرت , ويومي من صباحه لامساه .؟
ماغير اذاودها عـن الصّـدْر وعجـزت اذودهـا
ماكنّها الا ضيـفٍ , ايضيـق المعـزّب لالفـاه
ضافت معاليقـي , وهيّـت لإجتمـاع إوفودهـا
أسبابها , سرّ إجتماع أهـل المشالـح والعبـاه
اللّـي يِحَفْـظ سدودهـا , والا يبيـح سدودهـا
والكلمه اللّي زتّها لساني على اطـراف الشّفـاه
نطقتها , وانا اعـرف انّـي ماجهلـت بنودهـا
للصّاحب اللي يوم اوصيه , اجتنب درب الوصاه
ولامشـى فيهـا وورّدهـا بغـيـر اعـدودهـا
صحيح مايمدينـي أغليـه , ويشرّهنـي غـلاه
لكنْـه مـاأدى الامانـه , والعهـود اعهودهـا
وانا بشر يخطي .! وكلٍّ عارفٍ وشهـو خطـاه
لكنّ ذيك الساعـه ان عـادت .؟ فأنـا بعودهـا
أجابه أيامـي , واواجههـا علـى كـلّ اتجـاه
واحاول انفـذ مـن قذايفهـا , ومـن بارودهـا
أتبع هوى نفسـي ياعنـكْ انّـه يعنّينـي هـواه
ونفسي علـى درب الهـلاك تقودنـي وآقودهـا
وسنيني تمرّ , ونصيبي في سنينـي .؟ ماخـزاه
والله مدري وش حصيـل اصدورهـا وورودهـا
وأحلامي تموت , وطموحي يحتضر فأوّل صبـاه
تعبـت مـن كثـرة خسايرهـا , وقلّـة فودهـا
وإن جيت بطردها .؟ سبوق الوقت , مايمدي مداه
ولاصـدق قـول المثـل : ملحوقهـا مطرودهـا
والوقت لايِحمد , ولايمّـن , ولاينصـف قِضـاه
نـاسٍ مايعرفهـا , ونـاسٍ يعتـرف بوْجودهـا
أحدٍ يِبعّد , لوّه أقرب : منسـب ووجـه ووجـاه
وأحدٍ يِقرّب لجل زيـن : اللّـي تكـدّ جعودهـا
وقتٍ على عْيال الشيوخ , ايقدّم عْيـال الرّعـاه
لوانّـهـا ماكـبّـرت ضيّانـهـا ووقـودهــا
ودنيـاً , تزيّـن لـي بملبـوسٍ يشـدّ الانتبـاه
تغريني , وتكشـف مفاتنهـا , وليّـن عودهـا
أطرد وراها , وإن دعتْ .؟ لبّيتها ماقلت ( هاه )
وأطبق شفايـاي بشفاياهـا , وأضـمّ زنودهـا
ومن قبْل لاتاصل مع العاشق لذروة مشتهـاه .؟
تنفر , ولاتاتي وتِلْحِق بالصدود .؟ اجحودهـا .!
فالمبتلا .؟ يصْبر مدام إنْ : في بـلاه الله بـلاه
ولايلـدّ بهـرج حسّـاده , وغــلّ إكبـودهـا
ولايشحّ بدعوة الله , دامـه أقـرب فـي دْعـاه
ويناجـي الله فالصـلاه , رْكوعهـا وسْجودهـا
والرجلْ دامه حيّ .؟ ياقف دون ذكـره ويحمـاه
والا الرخوم ارخوم , لوذكْرت بطيب إجدودها .!
ماتلحقه في نفسه مْن النـاس شكّـه وإشتبـاه
إيعرف ويش أهدافه , ويتعب علـى مقصودهـا
إيـدوّر اللّـي يرفعـه , ولايـنـزّل مسـتـواه
ويدرى مشاريه الرّجـال , ويحْسـب لمنقودهـا
وأنـا هنيّـا , يامنقّلـة العلـوم امـن الـرواه
وإن كبْرت القالـه .؟ ترانـي قدّهـا وإقدودهـا
أطقّها فالوجْه , وأضـرب فالخشـوم وفالجبـاه
إلين أميّز بيـن صاملهـا , وبيـن شرودهـا .!




الله الله الله الله الله الله
ابداع لامتناهي يابومحمد وانت مايختلف على ابداعك اثنين
قصيده تشدّ القارئ من اول حرف لآخر حرف لله درك
لله درك لله درك .. صح لسانك