منتديات المرقاب الأدبية - عرض مشاركة واحدة

#1 04-05-2008, 03:07 PM

السلام عليكم
أبيات أتمنى لها المرور

[poem=font="Simplified Arabic,4,royalblue,bold,normal" bkcolor="transparent" bkimage="" border="none,4,gray" type=1 line=1 align=center use=sp num="0,black"]
جيتك .. وشفت ماشلت بعيونك ورحت = أول العام .. شفت الشوق غطّا المكان
وجيتك اليوم .. شفت اللي ذبل وأنجرحت = كيف ماكن لي .. في وسط قلبك حنان
بعد ما كنت في قلبي .. لحالك نجحت = صرت أشوفك .. كما الدنيا بليّا ضمان
ياكثر ماخسرت .. وياكثر ماربحت = آه ياليت هذا .. اللي حصل من زمان
كان مبطي .. مريّح خاطري وأسترحت = ماحملت الوله .. والشوق .. والعنفوان
كان عادي .. لو أني عن غرامك نزحت = كان.. ماشفت كل اللي مع الوقت ..كان
كيف زليت .. في حق الغرام .. وجنحت = كيف ترضى عليه .. البهذله والهوان
كيف بكيت عين اللي يبيك .. وفرحت = كيف راهنت .. وآخرها خسرت الرهان
كم عشقتك .. وكم مره غلطت ونصحت = قلت لك ماتهدم الحب .. كبوة حصان
كم سنه عشت في قلبي .. سرحت ومرحت = جاوب أن كنت .. لا خاين ولا أنته جبان
لو تبرّر لي الموقف .. حشا مافلحت = منت لاقي عذر وافي .. وشاهد عيان
أسكت النفس طابت منك .. وأنا سمحت = منت الاوّل ولا آخر .. من غدر بالزمان[/poem]

[align=center]وسلمتواا..[/align]