|
الغابة __ رشيد الدهام ..
[poem=font="Traditional Arabic,6,gray,bold,normal" bkcolor="transparent" bkimage="" border="none,4,gray" type=2 line=1 align=right use=ex num="0,black"]
الصدور بحور ، والقلب مثل الغابة=كل قلبٍ يجتمع فيه حقد وطيبــــه
والحكي عاري جسد والسكوت ثيابه=والتسرع منقصه والركادة هيبـــــه
والخطايا تختلف والعذر متشـــــابه=بس لاصار الوفا هو خطاك .. مصيبه !
الوفا مع بعض الاشخاص ما به ثـابه=ياولد مع بعض الاشخاص لا تصخيبه !
واحد ما تفقده لــــــــــــــو يطول غيابه=غير من لو هو معك قلت .. وين الغيبة ؟
وواحدٍ تزعل من الطاري اللي جابه !!=غير من تفرح بطـــــاريه وتهذريبه !
وواحد يسبق شماته بضحكة نـــــابه=غير من ضحكة حجاجه تسابق طيبه
ما يـــعرف يميز عداه بين اصحابه=غير ذيبٍ من ظهر ذيب وأمه ذيبه!
كل ماجيت ارضي الليل راح طلابه=لين أنام براحته واسهر بتعذيبه!
أصدق اشكال الحزن ضحكةٍ كذابه=واسهل أشكال الفرح دمعتين صعيبه
واصعب الحزن الذي ما نعرف اسبابه=هو سؤاله شك ؟ ولا جوابه ريبــه؟
واغرب الشوق الذي ما نعرف أحبابه=ماسكٍ خيط النوى والهوى يوميبه
آه .. ياليت القصايد ورق وكتابة =ليت ما هي نور وشعور وحلم وخيبه ![/poem]
[align=center]رشيد الدهام[/align]
|