لها أربع سنين .!
..
الدمعه اللي حولت لأجل غالين
ما أردها لو كان بانت بخدي .!
,
والضيقه اللي لاوصل ذكره تبين
بيّحت منها عند الأصحاب سدي.,
,
وإليا شكيت الضيق والهجر والبين
قالو..جروح الوقت بكره تعدي .,
,
تحدني بقعا وتبغاني ألين
وإليا حدتني كنها تعزّ شدي .,
,
وحظوظي اللي ماوضعت صوبي العين
فحمت وانا أقول ياهوووه لدي .,
,
ماهي بصعبه ضدي الناس الأدنين
أبقى معك لا صارو الناس ضدي .,
,
وإن قلت برجع مير ماهو بـ ذالحين
في ذمتي لاجيت بـ تشوف صدي .,
,
ما أتعب إركابي على طرد مقفين
ولا شح مع من يطلب الوصل عدي .,
,
ماعاد به بدري ولا لحظه ووين
ماني براجع لك ولو عاش جدي !!
..
|