[align=center]السلام عليكم ورحمة الله وبركاته

اعود اليكم بعد انقطاع .. وكل عام وانتم بخير والمعذرة على القصور

.
.
.

[poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
هيه ياللي حلومك غير كل الحلوم= وجرحك اندى من اللي تو جرحه ندي
.
ليلة البارحة عيني تعد النجوم = وكل ما طاح نجم يضيع نص اعددي
.
لين ماع الخيال وشلهبته السموم = ولا بقى فيه يلمع غير نجم الجدي
.
لا تحسّبني من اللي وطاك محروم = والله انه وطاني واستباح بلدي
.
كبريائك على راسي هنيا محشوم = وكان حسيّـت مني خوف ضاع جهدي
.
كلمة ٍ في حنايا الصدر مثل السهوم = لازم اقولها لبوي والا ولدي
.
حاول انك تفك رموز همك وقوم = يمكن انك تضوي دربك السرمدي
.
غربلتك الليالي واحرقتك الهموم = يابن ابويه وياذخري ويا مسندي
.
لا لحقت الركاب ولا رقيت الرجوم = ولا عبرت المحيط ولا مليت المدي
.
ومسكتك الطريق ودفعتك الرسوم = وعلمتك الصحيب الطيب من الردي
.
صح يمكن صغير بس راعي علوم = واحترم سيدي ولا اقول له سيدي
.
ولا اتقدى برجل ٍ في زمان الرخوم = موتي اطيب قبل .. لا احط يده بيدي
.
عادت الحر لا سدل جناحه يحوم = وانت حومك يوصلك السما يا بعدي
.
منبعك من مواكير الحرار القروم = دون حقك ذحاح وفالبراح اجودي
.
كلمةٍ في ضميري ما تلحقك لوم = قالها اللي فرش صدره بساط احمدي
.
دورت ايامنا هذي وانا اخوك شوم = ذيبها كل ما شاف السمين يعدي[/poem]


.
.
وسلامتكم[/align]