/
\
/
\
/

بحكمهـ التوآجد الآول في آلمرقآب ... نآمل ونتطلع : ) ،،،

في ظل هذآ آلزخم الآعلآمي آلهآئل وآلآقمآر آلصنآعية آلمهولة !!

آترككم مع نبضآت قلبي آلتي جرت على لسآني وسطرهآ قلمي ّّّّ

وبعد هذآ آلموجز آليكم آلآبيآت بآلتفصيل !! ّ

/
\
/
\
/

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]عذرا على طول الغياب الي يقارب له شهر =والقافية تسأل كذا او ليه يا سمح القبال

قلت بتغلي يوووه ما اقدر ولا فيني صبر =مليت من نزف الجروح الي على جسمي ظلال

مليت من مدح الحبيب الي كواني بالجمر =واستل سكينه على صدري ومن جالٍ لجال

يلعب على كيفه ويطعني وانا ميت قهر =ماني بند لطعنته لا لا ولا فيها جدال

اسرح حبيبي وامرح بقلبي على مد البصر =يكفي طعونك بيننا تصبح كذا جسر الوصال

وان غبت لا تنشد عن احوالي ويكفيني خبر=انك سعيد وعايش ايامك مثل باقي الليال

وان قلت لي وين القصيد ؟ اسمعك حلو الدرر =الي يصح لسان قايلها ليا جا له مجال

والي يصفق ميده الجمهور من بدو وحضر=والي تنومسني ليا من جيت من بين الرجال

ماهي مثل بعض الكلام الي سطر يقفى سطر =لا قاف لا معنى ولا فكرة وجا فيها اختلال

ابك اسمع اسمع هالكلام الي يوقف فالنحر =ما تدري ان الوضع هذا صاير ٍ وضع احتلال [/POEM]


[POEM="font="Simplified Arabic,4,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]فكرك سجن والتلفزة سجان من دون البشر =والناس تستطعم بتعذيبك على قيل ٍ وقال

حسبي على هذا القمر ان كان يطلق له قمر =بث بسمومه بين خلق الله ولا فيه انفعال

ما تدري ان قلوب خلق الله تشابه للصخر =القدس يهزم والعراق تصيح من حال ٍ لحال

من غطرسة صهيون والا فلسفة بوش القذر =والأم تبكي تنتخي اهل الشيم واهل الفعال

وتشوف منظر خلفها يُبكي لو ان قلبك حجر =بس اعتقد اصحابنا زادوا على الجملة.. مثال

(( بشر بشر نخطي واذا قلنا خطأ قالوا بشر )) =هذي العبارة اثبتت ان العرب مثل الريال !!

لا اهتز سوق النفط فالعالم وجاء مد وجزر =وفكرك تأكسد بأكسجين الحب في وقت الهبال

وتقول يا لبيه يا ام عيون يا الموت الحمر =يا ريح ابوي ويا خلف جدي ويا ذات الجمال

وتدور ال FM وتغني على شط البحر =كيف السبيل الى وصالك يا فلانة ... بالحلال ؟

لا والله الا تقول كيف اجيب راسك للحفر =وتدور الخطة يمين واذا اتعبت جبها شمال [/POEM]


[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]هنا فقط تعرف بأن اللعب في خط الفقر =مثل العصور المظلمة الي بدت بالانحلال

رغم اختلاف الذائقة والفكر ماهو بالفكر=والناس في هذا العصر عدت حدود الاحتمال

يعني صغير السن يا ماجد وعاده ما كبر =وشلون لو يبلغ وهو ما زال في ذيك الخصال

فعلاً بداية مهزلة ! وان كان ودك فالصور =افتح على اقرب محطة .. تشوف شي ٍ ما يقال [/POEM]
.
.
.



/
\
/
\
/

ما بين القوسين هو اقتباس من بيت الشاعر يحي آل حارث :

بشر بشر نخطي واذا قالوا خطأ قلنا بشر
هذي العبارة اثبتت عند العرب مفعولها