طيب طيب
ألا يا حلم وينك ما لقيتك
وأنا اللي من شراييني سقيتك
وهبتك دم قلبي يا طموحي
سكنت بداخلي والبيت بيتك
كبرت وصرت عن عيني تباعد
تخايل لي سراب ولا رويتك
نطرتك لين ما طيفك تلاشى
قريتك بس ما كني قريتك
صبرت وعاش قلبي في ضياعك
وتاهت خطوة الفرحه وجيتك
أمانه لابْتدى ليلي وطوّل
وحارت دمعة الفرقا نخيتك
تصوّر لي سنينٍ قد طوتني
طويت الفرح لكن ما طويتك
كأني في عيونك دمع غالي
وكأنك ذنب لكن ما جنيتك
دخيلك لاتتوّهني وترحل
رخصْت العمْر لأجلك وشتريتك
وإذا كان القدر ناوي بفرقا
تزبّن خافقي والبيت بيتك
شوفوا لنا سفيرنا في قلآلي ... محمد بن شباب
|