16-05-2008, 07:42 PM
|
#80
|
|
(*( عضو )*)
|
بيانات اضافيه [
+
]
|
|
رقم العضوية : 1365
|
|
تاريخ التسجيل : Jun 2006
|
|
أخر زيارة : 12-09-2014 (08:47 PM)
|
|
المشاركات :
7,395 [
+
] |
|
زيارات الملف الشخصي : 17878
|
|
|
لوني المفضل : sienna
|
|
سعد براك يقووول :
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياصاحبـي والغيـم لاعانـق طويـلات الجـبـال=وصب الفضا في كاس عيني ندف ومزون وبـروق
وسال الندى فالارض من غصن وحضن وجه الرمال=وقام الحيا يرتـع علـي وجـه البيـادر والعـروق
أناقـة الدنيـا ليامـن داعـب الــورد الـظـلال=وراح الشفق يغمد سيوف الليل في صدر الشـروق
احيان احس ان الكلام اللـي بصـدري مـا يقـال=واحيان احس اني من العبرات والضيـق مخنـوق
هذى دموعي شمـع واحزانـي محاصيـل الليـال=والشعر نبـرة حـزن والاحسـاس فالاشعـار ذوق
يمكـن يسويبـي محـال ولكـن الشـي المـحـال=انـه يوردنـي علـى عـد المنافـق والـسـروق
والعالـم اللـي شعرهـم تاليـه آيــل لـلـزوال=المسألـة ماهيـب تركيـب القوافـي والـطـروق
امـا يجـي تفكيـر وابـداع وتصاويـر وخـيـال=والا بـلاش مـن البلابـل والعنـادل والحـلـوق
ميزة حنين الشـوق لاجالـه علـي قلبـي مجـال=نوخت في عيني ركاب وفي خفوقـي سقـت نـوق
ياعنـك ماسويـت فيـه خيـر يـاولـد الـحـلال=مريت بي شارع نـوال وقلـت روق وكيـف أروق
الوقـت ماسـوي بعمـري مثـل ماسـوّت نـوال=اللي ملت عيني وسالـت مـع شراييـن الخفـوق
يطير من راسي عمـاس الـراس واشـد الرحـال=وتفيض من صدري هواجيسـي وتفكيـري يلـوق
للغايه اللـي فـوق غرّتهـا سجـد وجـه الجمـال=مافيـه عـرق فـى إجسـدي الا لذكراهـا يتـوق
الجـادل اللـي كـل مـا قالـت طواريهـا تـعـال=قامت عليها شرّد افكـاري تسـوق العمـر سـوق
اشـم ريحتهـا ليـا هبـت ذعـاذيـع الشـمـال=واشوفها في كـل درب وكـل بيـت وكـل سـوق
واحسها في كل ركـن وكـل وجـه ومـن خـلال=نبضة خفوقي وأنشغال الفكـر والحـزن الصـدوق
ابطيت اراعيها وانا مالـي علـى الصبـر إحتمـال=والعمر ينقص والسنيـن تـدور والنظـرات فـوق
نيابـةٍ عنـي وعـن عينـي وقلبـي والـسـؤال=واصالةٍ عن كل عـرق وكـل حـب وكـل شـوق
اقـول ياعـذب السجايـا والمـوارد والخـصـال=دامك تعـرف ان الخطـا وارد وتؤمـن بالحقـوق
اوجعـت صـدر البعـد بطعونـك وقـل الاتصـال=واسقيتنـي مـرّ الفـراق وقلـت ذوق المـرّ ذوق
يمكن يصـب الوصـل فـي عينـك ينابيـعٍ زلال=بس الجفا مثل الجفاف اللي يحـوق الارض حـوق
ألـذ مـا فالعمـر لحظـات التلاقـي والـوصـال=وأمـر مـا فالعمـر طعنـات القطيعـه والعقـوق
[/poem]
عطونا لحبيب القلب / محمد بن مصوّي
|
|
|
|